Upplýsingar um andlát og jarðarferð eru eisini finna á heimasíðuni hjá Klaksvíkar Sjúkrahúsi: www.ks.fo
Sí teigin “Avvarðandi”

Setið tykkum í samband við leiðsluna í Betesda skjótast møguligt fyri at avtala nær jarðarferðin kann verða.

Deyðsváttan skal handast til sóknarprestin á staðnum. Er persónur deyður á sjúkrahúsi ella røktarstovni, syrgja viðkomandi starvsfólk oftast fyri hesum.

Gravari skal hava fráboðan skjótast møguligt, og áðrenn jarðarferðin verður kunngjørd.

Andlát verða vanliga kunngjørd í Útvarpinum og í bløðunum. Setið tykkum í samband við miðlarnar í so góðari tíð sum møguligt.

Kista/børa: Tosið við Sjúkrahúsið um kistu/børu.

Líkvognur skal hava fráboðan um nær kistan skal koyrast.

Sjúkrahúsið: Avtalast má, nær farið verður úr kapellinum.

Í Betesda: Í samband við jarðarferðina er neyðugt at seta seg í samband við viðkomandi ábyrgdarfólk skjótast møguligt.

Gravsálmar mugu veljast og latast prentsmiðju skjótast møguligt.

Blómur og prýði kunnu umbiðjast frá blómuhandlunum í býnum. Tey átaka sær fegin at prýða við kistuna í Betesda.

Jarðarferðin: Minnist til at biðja talarar, spælarar, berarar og hjálparfólk annars í góðari tíð.

Ervi: Møguleiki er hjá teimum avarandi at skipa fyri ervi í Betesda.