Grein 2 og 3 í ognarskjali fyri sjálveigandi stovnin „Betesda“ í Klaksvík er soljóðandi:
2) Stovnin „Betesda“ í Klakksvík eigur samkoman, t.e. fólkið, sum frá tíð til aðra kemur saman í húsinum „Betesda“ í Klakksvík til gudsdýrkan eftir Orði Guds (Bíbliuni) og til kunngerðan av evangeliinum og búgva í Klakksvík, og verður ognin stjórnað av eini nevnd uppá 7 limir.

3) Tað verður nevndini álagt at ansa eftir, at „húsið Betesda“ í Klaksvík verður nýtt til tað, sum tað varð bygt til, og sum ávíst í grein 2 til gudsdýrkan og kunngerðan av evangeliinum og til nýtslu fyri tey, ið frá tíð til aðra virka fyri Guds ríkis sak, við øðrum orðum: eitt samkomuhús fyri Guds børn til gudsdýrkan eftir Bíbliunnar læru, og til kunngerðan av Kristi reina og fría evangelium um eina fullfíggjaða, æviga frelsu gjøgnum Kristi deyða og uppreisn aleina.