Bíbliulestrarvika 3.-9. oktober

Komandi vikuna verður aftur bíbliulestrarvika á skránni. Frá sunnudegnum 3. oktobur til leygardagin 9. oktobur fara vit sum samkoma at lesa Hebrearabrævið kapittul 11:1-22. Setið tíð av gjøgnum vikuna at lesa tekstin og biðið Heilaga Andan tala til tykkara gjøgnum hann. Tað er eisini uppbyggjandi at samtala við onnur trúgvandi um tað, ið ein fær burtur úr tekstinum.

Á uppbyggingarmøtinum mikukvøldið 6. oktobur fer Stig Elttør at tala um Hebrearabrævið 11:1-12.

Á evangeliska møtinum sunnukvøldið 10. oktobur fer Kristian á Lakjuni at tala um Hebrearabrævið 11:13-22. Eisini fer Anna Simonsen at siga frá eini søgu.

Øll eru hjartaliga vælkomin til bæði møtini.

Møtini verða stroymd beinleiðis umvegis heimasíðuna hjá Betesda, so verið vælkomin at siga teimum frá, ið ikki kunnu vera við í salinum.

Harrin signi samkomu sína!