Bíbliulestrarvika 7. -13. november

Komandi vikuna verður aftur bíbliulestrarvika á skránni. Frá sunnudegnum 7. novembur til leygardagin 13. novembur fara vit sum samkoma at lesa Hebrearabrævið 11,23 til 12,3. Setið tíð av gjøgnum vikuna at lesa tekstin og biðið Heilaga Andan tala til tykkara gjøgnum hann. Tað er eisini uppbyggjandi at samtala við onnur trúgvandi um tað, ið ein fær burtur úr tekstinum.

Á uppbyggingarmøtinum mikukvøldið 10 novembur fer Victor Nielsen at tala um Hebrearabrævið 11,23-38.

Á evangeliska møtinum sunnukvøldið 14 novembur fer Bogi Simonsen at tala um Hebrearabrævið 11,39-12,3. Eisini fer Elin Sørensen at siga frá eini søgu.

Av tí at korona-smittan enn ger um seg í Klaksvík, verður einki møti í Betesda. Tí vera hesi møtini løgd út á heimasíðuna hjá Betesda (www.betesda.fo), mikukvøldið kl.20.00 og sunnukvøldið kl.18.00.

Harrin signi samkomu sína!