Petur á Roykheyggi og Jens Bech vitja Betesda sunnudagin 18. juni
Á møtunum sunnudagin kl. 11 og kl. 18 luttaka Jens Bech og Petur á Roykheyggi.
Teir virka báðir sum fulltíðar trúboðarar í og út frá brøðrasamkomunum her heima, bæði hvør sær og eisini í felag.
Jens Bech, sum er 57 ár, fór út í fulltíðar tænastu í 2007, og virkar hann í og út frá samkomuni í Nerija á Skála.
Jens hevur í nógv ár verið partur av verkinum í Zarepta, hann umboðar eisini Emmaus Bíbliuskeið í Føroyum. Umframt dagligu tænastuna í samkomuni er Jens virkin sum bíbliuundirvísari. Jens er giftur Mariu og eiga tey 3 børn.
Petur á Roykheyggi, sum er 34 ár, fór út í fulltíðar tænastu í 2020, og er sostatt ein av okkara yngru fulltíðar trúboðarum her heima.
Petur virkar í og út frá samkomuni í Berøa í Saltangará og er eisini virkin kring landið, bæði sum evangelistur og bíbliulærari. Petur er giftur Biritu, og eiga tey 4 børn.
Sunnudagin koma teir at vitja okkum í samkomuni í Betesda, har teir luttaka í breyðbrótingini kl. 11 og á evangeliska møtinum sunnukvøldið kl. 18.
Hjartaliga vælkomin 
