Liz og Ragnar kunna um tænastuna mikukvøldið

Á møtinum í Betesda mikukvøldið kl. 20 fara Liz og Ragnar Niclasen at greiða frá tænastu teirra fyri HARRAN á Filipsoyggjunum. 

Liz og Ragnar Niclasen virka sum trúboðarar á Filipsoyggjum, men í september mánað vitja tey  heima í Føroyum, her tey gista í Klaksvík.

Mikukvøldið verða tey í Betesda og greiða frá tænastuni, tey standa í, har høvi eisini verður at heilsa uppá tey afturvið einum drekkamunni eftir møtið.

***

Ragnar Niclasen, sum er klaksvíkingur, fór í 1974 á bíbliuskúla hjá New Tribes Mission (NTM) í USA og helt síðan fram á trúboðaravenjingarskúla í Kanada. Har møtti hann konu síni, Liz, sum er úr Kanada. Haðani fóru tey í fulltíðartænastu fyri HARRAN sum trúboðarar hjá NTM á Filipsoyggjum.

Árini 2008 til 2014 virkaðu tey í Onglandi, men eru í dag aftur á Filipsoyggjum.

Sostatt er meir enn hálv øld runnin, síðan Ragnar sum unglingi flutti heiman at útbúgva seg og síðan fór út í fulltíðar tænastu fyri HARRAN. 

***

Hjartaliga vælkomin í Betesda mikukvøldið kl. 20.

Mikudagin kemur Logos Hope til Klaksvíkar – eitt spennandi skip

Logos Hope er nakað serligt fyri okkum føroyingar, tí hetta er gamla Norrøna, men skipið er eisini vert eina vitjan, tí umframt ein góðan drekkamunn og rundsýning, er skipið eitt av heimsins størstu flótandi bókasølum við fleiri enn 5000 bókatittlum av alskyns slagi, sum eru bíliga til sølu.

Tað er ikki á hvørjum degi, at Logos Hope vitjar í Føroyum, tí seinasta vitjanin var í 2009 – men nú er skipið, ið vit føroyingar best kenna sum gamla Norrøna, her.

Mikudagin kl. 13:30 leggur Logos Hope at á vestara havnarlag í Klaksvík, og kl. 16:30 verður almenn móttøka á bryggjuni, har løgmaður og borgarstjórin fara at heilsa skipi og manning.

Skipið verður liggjandi í Klaksvík til náttina til mánadagin, og skipið er opið allar dagarnar – og tað er vert eina vitjan.

Ikki minst er tann risastóra bókasølan áhugaverd at vitjan, tí hon inniheldur eitt nú barnabøkur, vísidi og lærubøkur, matgerð og áhugamál, skaldskap og klakssikarar, kristnarbøkur og bíbliur, mál ,søgu og landafrøði.

Umborð eru umleið 400 fólk úr fleiri enn 60 londum, sum sum arbeiða og búgva umborð – og øll eru sjálvboðin.

Bíbliuløtan í sunnudagsskúlanum – Jens Olsen talar um Efesusbrævið

Sunnudagsskúlin verður sunnudagin kl. 12:30, har vit vóna at síggja mong, bæði børn og vaksin – eisini til bíbliuløtuna til okkum vaksnu kl. 13:00, har Jens Christian Olsen talar.

Nú sunnudagin kemur Jens Christian Olsen av Toftum at hava taluna í bíbliuløtuni kl. 13:00, har hann fer at taka annan part av trimum um Efesusbrævið. Yvirskriftin hesaferð er: “Hann í mær”, sum byggir á kap. 4 og 5.

Enskt møti kl. 14:30 Monika og Tim Sharp skipa hvønn sunnudag fyri enskum møti, sum er frá kl. 14:30 til 15:30. Á hesum møtum talar Tim Sharp, har hann gjøgnumgongur skriftirnar á ein skipaðan hátt. Sigið endiliga øðrum frá um hesi møtini, sum serliga eru ætlað teimum enskttalandi, men her er týðandi at undirstrika, at øll eru hjartaliga vælkomin á hesi møti.

Evangeliskt møti kl. 18:00 Sunnukvøldið kl. 18:00 verður evangeliskt møti, har Ragnar og Liz Niclasen verða við. Ragnar hevur ein boðskap, og sangkórið fer eisini at luttaka.

Skráin sunnudagin í Betesda
11:00-12:15 Morgunmøti
12:15-13:00 Kaffi í gongini
12:30-13:00 Sunnudagsskúlin
13:00-13:30 Børnini í flokkar
13:00-13:30 Løta í salinum
14:30-15:30 Enskt møti
18:00-19:00 Evangeliskt møti

Øll eru hjartaliga vælkomin til øll hesi tiltøk og møti

Eftir hálva øld í tænastu HARRANS – Liz og Ragnar Niclasen vitja heim

Sunnukvøldið kl. 18:00 verða Liz og Ragnar Niclasen við á møtinum í Betesda, har sangkórið í Betesda eisini fer at syngja.

Í vikuni lendu Liz og Ragnar í Vágum. Tey verða heima í ein mánað, har nøkur høvi verða at hoyra tey greiða frá tænastuni og bera Guds orð fram á nøkrum møtum komandi vikurnar.

Fyrsta høvið verður í Betesda nú sunnudagin, har sangkórið eisini fer at luttaka á møtinum kl. 18. Kórið er júst byrjað aftur eftir summarferiuna, og hetta er fyrsta møtið, har kórið luttekur.

***

Ragnar er sonur Elly og Eivind Niclasen, sum búðu í Klaksvík, her Ragnar eisini vaks upp og hevði sína dagligu gongd í samkomuni í Betesda.

Ragnar fór í 1974 á bíbliuskúla hjá New Tribes Mission (NTM) í býnum Waukesha í statinum Wisconsin í USA. Eftir bíbliuskúlan fór hann á trúboðaravenjingarskúla hjá NTM í Kanada. Har møtti hann konu síni, Liz, sum er ættað úr Nova Scotia, Kanada. Haðani fóru tey í fulltíðartænastu fyri HARRAN sum trúboðarar hjá NTM á Filipsoyggjum.

Árini 2008 til 2014 virkaðu tey í Onglandi, men eru í dag aftur á Filipsoyggjum.

Liz og Ragnar eiga tveir synir: Ryan býr nær við Niagara fossin í Kanada, og Craig býr í Birmingham í Onglandi, har hann og konan Claire somuleiðis virka sum trúboðarar.

Sostatt er meir enn hálv øld runnin, síðan Ragnar sum unglingi flutti heiman og fór út í fulltíðar tænastu fyri HARRAN.

***

Hjartaliga vælkomin í Betesda sunnudagin.

Logos Hope í Føroyum

Logos Hope kemur til Havnar 27. august, og til Klaksvíkar 2. september. Meira kunning og skráseting á www.om.fo

Logos Hope er í Føroyum í døgunum frá 27. august til 7. september. Skipið liggur í Tórshavn frá 27. august til 1. september. 2.-7. september liggur skipið við kaj í Klaksvík. Inni á heimasíðuni hjá om.fo sæst fullfíggja skrá og har kanst tú lesa meir um vitjanina. Eisini er møguligt at melda seg til ymisk tiltøk, sum verða umborð, t.d. *at hjálpa til, *at bjóða onkrum av manningini heim til eina máltíð o.s.fr.

Les meira á om.fo – trýst her!

Niðanfyri er eitt sindur av kunning um vitjanina í Klaksvík.

Mikudagur 2. september
Kl. 13:30 – Logos Hope kemur á Klaksvík
Kl. 16:30 – Almenn móttøka á vestaru kai

Hósdagur 3. september
Kl. 10-12 – Fólk frá Logos Hope verða við á kafé’ini
Kl. 20 – Fólk frá Logos Hope luttaka á ungdómsmøinum.

Fríggjadagur 4. september
Kl. 17 – Felags máltið fyri Logos Hope-manningini í Betesda
Kl. 20:30 ungdómsmøti umborð á Logos Hope *tilmelding er neyðug

Sunnudagin 6. september
Kl. 12:30 – fólk frá Logos Hope vitja í sunndagsskúlanum
Kl. 18 – Fólk frá Logos Hope luttaka á evangeliska møtið
Kl. 22 – Vitjanin endar sunnukvøldið við felags farvælløtu fyri Logos Hope á vestaru kaj

Allar dagarnar kunnu vit øll vitja umborð á Logos Hope púra óformelt, tá hvør einstakur hevur tíð til tað, har vit t.d. kunnu

  • vitja stóru bókasøluna,
  • fáa ein drekkamunn og
  • fáa eina rundsýning.

Petur á Roykheyggi talar mikukvøldið

Mikukvøldið kl. 20 fer Petur á Roykheyggi ígjøgnum seinasta part av Jákupsbrævinum, frá kap. 5, vers 7, til kap. 5, vers 20.

Hjartaliga vælkomin 🙂

Jákup Hansen talar sunnudagin

Kl. 18:00 verður evangeliskt møti, har Jákup Hansen leggur fyri við einum orði. Annars er møtið ikki planlagt. Má HARRIN við tala Anda Sínum til hjørtu okkara og teirra, sum koma. 

Sunnudagsskúlin sunnudagin kl. 12:30 – Símun Absalonsen talar í bíbliuløtuni

Sunnudagsskúlin byrjar kl. 12:30 við felagssangi fyri øll til kl. 13:00, tá ið børnini fara í klassarnar at hoyra bíbliusøgu, samstundis sum bíbliuløtan fyri tey vaksnu er í salinum.

Seinasta sunnudag byrjaði sunnudagsskúlin aftur eftir summarferiuna, og tað var ein gleði at síggja so mong, bæði til sunnudagsskúlan og samkomudagin.

Tá talaði Símun Absalonsen eisini í bíbliuløtuni, sum er fyri tey vaksnu, meðan børnini eru í klassunum, og Símun fer aftur at tala í morgin.

Hjartaliga vælkomin í sunnudagsskúla, bæði børn og vaksin 🙂

Sangkórið byrjar aftur at venja týskvøldið

Torkil Mørkøre, kórleiðari, boðar frá, at sangkórið byrjar aftur at venja komandi týskvøld 25. august kl. 20:00.

Nýggir sangarar eru hjartaliga vælkomnir uppí, sigur Torkil.

– Tað hevði glett okkum, um fleiri í samkomuni gjørdust partur av sangkórinum, so um hetta hevur tín áhuga, so ert tú vælkomin at kontakta meg, sigur Torkil.

Sangkórið venur hvørt týskvøld í vetrarhálvuni og luttekur regluliga á møtunum sunnukvøld í Betesda. Eisini vitjar kórið av og á aðrar samkomur.

Ein ferð gjøgnum Jákupsbrævið við Petur á Roykheyggi – mikukvøldið

Á møtinum í Betesda mikukvøldið kl. 20 heldur Petur á Roykheyggi fram við gjøgnumgongdini av Jákupsbrævinum – hesaferð frá kap. 4:11 til 5:06.

Hetta verður næst seinasta møtið í hesi røðini, har Petur á Roykheyggi gongur ígjøgnum Jákupsbrævið vers fyri vers.

Petur á Roykheyggi er 36 ára gamal og giftur við Biritu. Tey eru búsitandi í Runavík og eiga fimm børn.

Fyri nøkrum árum síðan tóku tey bæði avgerð um, at Petur skuldi fara út í fulltíðar tænastu fyri HARRAN her heima í Føroyum, her tænastan eitt nú fevnir um at vitja kring landið at kunngera evangeliið og prædika orð Guds.

Hjartaliga vælkomin 🙂