Jákup Hansen talar á bønarmøtinum í kvøld

Sólva og Jákup Hansen, sum dagliga virka fyri HARRAN í Kristnastovu, Keypmannahavn, eru í løtuni heima á stuttari vitjan.

Tey komu heim mánadagin í farnu viku og fara niður aftur hóskvøldið, so steðgurin hesaferð verður íalt 10 dagar, sum tey brúka til at vitja onkrar av samkomunum her heima.

Kristnastova, har Jákup og Sólva dagliga virka, er eitt andaligt heim fyri føroyingar í Keypmannahavn. Her hittast útsetar úr øllum Føroyum til sang og undirvísing úr Bíbliuni, til prát og samveru.

Í kvøld, mánakvøldið 27. mars kl. 20, er sum vant bønarmøti, og verða tey bæði tá við, og til seinast á møtinum hevur Jákup eina heilsan og ein boðskap.

Hjartaliga vælkomin