Forkunnugar vitjanir í Betesda sunnudagin

Sunnudagin kl. 13 talar Arni Zachariassen í vaksnu løtuni í sunnudagsskúlanum, og kl. 18 vitja brøður sunnan av landi við gleðiboðskapinum – Sangkórið í Betesda luttekur.

Løtan fyri tey vaksnu í sunnudagsskúlanum er frá kl. 13:00 til 13:30, meðan børnini eru í flokkunum.

Hesaferð vitjar Arni Zachariassen úr Norðragøtu. Hann fer at tala um evnið “trúgv og verk” út frá Ják. 2:14-26.

Enskt møti er kl. 14:30.

Evangeliskt møti er kl. 18:00, har Betesda hesaferð fær vitjan av Svenning av Lofti, Poul Jóhan Djurhuus og Birgir Andreasen.

Teir hava júst verið á vitjan í Eysturevropa við evangeliinum, og sunnukvøldið leggja teir leiðina til Klaksvíkar.

Sangkórið í Betesda luttekur.

Hjartaliga vælkomin 😊