Páll Poulsen talar á møtinum í morgin, sunnudagin kl. 18 – sangkórið luttekur

Páll Poulsen, sum er uppvaksin í Klaksvík, er millum teir allarfyrstu, ið fóru út sum fulltíðar trúboðarar úr samkomu okkara í Betesda, og í morgin, sunnudagin, vitjar hann heimaftur.

Páll var í Íslandi í 1963 í tænastu Harrans. Í 1965 fór hann til USA á trúboðara-venjingarskúla hjá New Tribes Mission (NTM) og fór eftir tað í fulltíðartænastu, har hann hevur virkað bæði í Grønlandi og her heima. Síðan 2009 hevur Páll saman við konu síni, Marjun, staðið á odda fyri barnalegum við Nimerialik vatnið í Grønlandi.

Á evangeliska møtinum sunnukvøldið kl. 18 luttaka Marjun og Páll, og sangkórið í Betesda fer eisini at luttaka við sínum vakra sangi.

Hjartaliga vælkomin 🙂