Sangkórið, dópur, talur og vitnisburðir í Betesda 1. og 2. páskakvøld kl. 18

Báðar páskadagarnar kl. 18 verða evangelisk møtir í Betesda, har vit 1. páskakvøld hoyra sangkórið og boðskapir frá Jákup Eli Østerø og Rógva Joensen, og har dópur eisini verður. 2. páskakvøld verður eitt vitnisburðarmøti, har Karsten Hansen leggur fyri, og síðan er høvi at luta við onnur, hvat HARRIN er fyri teg.

Leygarkvøldið, páskaaftan, verður opið hús hjá teimum ungu sum vant kl. 21.

Sunnudagin, páskadag, verður sum vant breyðbróting kl. 11, og sunnudagsskúli kl. 12:30.

Páskakvøld kl. 18 verður evangeliskt møti kl. 18, har sangkórið í Betesda luttekur, og m.a. Jákup Eli Østerø og Rógvi Joensen hava ein boðskap.

Dópur verður á hesum møtinum. Tríggjar kvinnur ynskja at lata seg doypa, so sum orð Guds lærir, at ein trúgvandi eigur at gera.

Seinasta møtið á páskum verður 2. páskakvøld kl. 18. Hetta verður eitt vitnisburðarmøti, har høvi verður at luta við onnur, hvat HARRIN er fyri teg.

Karsten Hansen leggur fyri, og so er orðið frítt at vitna um HARRAN.

– hjartaliga vælkomin 🙂

Samkoman í Betesda ynskir øllum einar gleðiligar páskir