Sunnudagin 18. august kl. 12:30 byrjar sunnudagsskúlin í Betesda aftur eftir summarfrítíðina – hjartaliga vælkomin. Eitt av væl vitjaðu tiltøkunum í Betesda er sunnudagsskúlin, sum er hvønn sunnudag kl. 12:30. Eftir eina deiliga summarferiu gleða vit okkum at síggja bæði børn og foreldur, koma í sunnudagsskúla, sum samanlagt varar í ein tíma. Fyrra hálva tíman […]
Mikukvøldið kl. 20 verður møti í Betesda við luttøku av fýra ungum monnum, sum seinni í hesum mánaðinum fara til North Cotes í Onglandi á bíbliuskúla hjá NTM. Eftir møtið verður ein drekkamunnur, har høvi verður at heilsa upp á teir.
Teir fýra ungu menninir eru Malvinus í Gong, Teitur Isaken og Silas Jacobsen, sum eru úr Klaksvík, og Remi Rógvason Rasmussen, sum er úr Runavík.
Malvinus byrjaði á bíbliuskúlanum fyri ári síðan, meðan hinir tríggir byrja har nú eftir summarfrítiðina.
Bíbliuskúlin í North Cotes í Onglandi er partur av trúboðanarfelagsskapinum NTM, sum hevur trúboðarar í londum kring um í heiminum, har serligur dentur verður lagdur á at náa fólk og ættarbólkar, sum áður ikki eru náddir fyri Kristus.
Brøðrasamkomurnar í Føroyum hava í áratíggjur havt tætt tilknýti til NTM, sum fleiri av trúboðarunum úr Betesda virka innan.
Hjartaliga vælkomin í Betesda mikukvøldið 14. august kl. 20, har høvi verður bæði at hoyra og heilsa upp á hesar fýra ungu menninar.
Í morgin 7. aug. endar 10 ára legan. Bussurin til Klaksvíkar steðgar uppi í Klingrugarði umleið kl. 11.15. Hósdagin 8. aug. fer bussurin til 9 ára leguna frá Klingrugarði kl. 15.15 og kemur aftur sunnudagin umleið kl. 11.15, eisini í Klingrugarði.
Meðan Summarfestivalurin 2024 er, verður „Opið hús í Betesda“ hóskvøldið, fríggjakvøldið og leygarkvøldið. Húsið letur upp kl. 20:30 øll kvøldini.
Sangløtur
Fríggjakvøldið og Leygarkvøldið verða sangløtur í Betesda, har øll eru vælkomin.
Løtan Fríggjakvøldið byrjar kl. 23:30 og ungdómurin í Betesda skipar fyri.
Leygarkvøldið skipar Sangbólkurin Vitin fyri, tann løtan byrjar kl. 22:00.
Verið øll hjartaliga vælkomin 🙂
Leygardagin 3. august kl. 13 giftast Marjun Elida í Gong og Karstin av Teiginum
Í samband við at tað í komandi viku er Bíbliulestrarvika, fara vit á møtinum mikukvøldið 31. juli kl. 20.00, at hoyra Áron Vest tala útfrá kapittul 2,29-3,10 í Fyrsta brævið Jóhannesar.
Eftir møtti verður ein drekkamunnur.
Møti verður stroymt á heimasíðuni hjá Betesda.
Øll eru hjartaliga vælkomin.
Leygardagin 20. juli kl. 13 giftast Magnus á Skeljalagnum og Miriam Vágslíð
Leygardagin 20. Juli er tað aftur túrurin hjá Betesda, at vaska Zarepta. Hesufer eru tað øll gólvini, sum skulu vaskast. Vit hava bara Leygardagin, at vaska alt húsið í, so tað er umráðandi at fáa so nógv fólk sum gjørligt at luttaka. Fyrimunur er at hava amboð, sum moppur og dustsúgvara við. Gott hevði verið, […]
Á møtinum í Betesda sunnukvøldið kl. 18:00 fer danski læknin, Kim Hartzner, at kunna um arbeiðið at hjálpa kristnum armenum úr Nagorno Karabakh, sum eru raktir av harðari forfylging.
Kim Hartzner, sum virkar fyri hjálparfelagsskapin Mission10forty, arbeiddi í 1990 í hálvt ár sum lækni á Klaksvíkar Sjúkrahúsi.
– Tá var eg virkin í Betesda, serliga í ungdómsbólkinum, og øll árini síðan tá havi eg havt samband við fleiri av mínum vinum frá teirri tíðini, greiðir Kim frá.
– Umframt mítt arbeiði sum lækni havi eg síðan 1991 arbeitt við neyðhjálp til kreppuøki í Eysturevropa, Miðeystri og Asia, seinastu árini gjøgnum kristna hjálparfelagsskapin Mission10forty, sum eg og ein hópur av kristnum stovnaðu í 2021.
Á møtinum í Betesda sunnukvøldið kl. 18:00 fer Kim Hartzner at greiða frá arbeiðinum at hjálpa kristnum armenum úr Nagorno Karabakh, sum eru raktir av harðari forfylging.
Hjartaliga vælkomin.
Leygardagin 13. juli kl. 16 giftast Jón Berg og Eyðgerð Rúnadóttir Mikkelsen.
Samkoman Betesda
Biskupsstøðgøta
700 Klaksvík
Konta í Norðoya Sparikassa:
9865 – 495.006.7
