Í samband við at tað í komandi viku er Bíbliulestrarvika á skránni, fara vit á møtinum mikukvøldið 25. septembur kl.20.00, at hoyra Kristian Hansen tala útfrá kapittul 4: 1-6 í Fyrsta brævið Jóhannesar.
Eftir møtti verður ein drekkamunnur.
Møti verður stroymt á heimasíðuni hjá Betesda.
Øll eru hjartaliga vælkomin.
Vónandi er undirtøkan góð. Sigið øðrum frá, at vit byrja aftur og at brúk er fyri øllum kreftum til hetta arbeiðið í samkomuni.
Biðið fyri verkinum, at tað má eydnast, og at Guds signing má fylgja øllum, sum vit fara undir verkið
Vinarliga leiðslan
95 ára gamli John Høj er føddur í 1929, og er ein av teimum heilt fáu í samkomuni í Betesda í dag, sum hevur verið partur av samkomuni heilt aftur í 1930 árini.
Heilt frá ungum av hevur John tikið ábyrgd og verið trúfastur í samkomuni, her hann enn í dag tekur lut.
Á uppbyggingarmøtinum mikukvøldið kl. 20 verður høvi at hoyra John Høj tala út frá Sálmi 2.
Hjartaliga vælkomin 
Tann væl umtókta kafé’in í Betesda, sum er opin hvønn hósmorgun frá kl. 10 til 12, byrjar nú aftur eftir summarsteðgin.
Kafé’in er opin hvønn hósdag kl. 10 til 12 og øll eru hjartaliga vælkomin.
Tað er í stóran mun tilkomin og eldri, ið savnast at njóta góða samfelagið og hugnan í kafeini, har vanliga eisini eitt lítið sanglið er við. Eisini børn og ung koma, eitt nú úr skúlanum, at fáa sær ein drekkamunn.
Fyriskipararnir undirstrika, at kafé’in er fyri allar aldursbólkar, og tey vóna at síggja fólk í øllum aldri – øll eru hjartaliga vælkomin.
Tá ið gamla Betesda varð tikið niður og nýggjur salur bygdur frá 2012 til 2014, leigaði samkoman høli við Klaksvíksvegin. Í hesum tíðarskeiðnum kveiktist hugskotið um at lata salin eitt sindur meira upp fyri nærumhvørvinum.
Hetta tiltak fekk góða undirtøku og flutti við heim á Biskupsstøð, tá ið samkoman flutti inn í nýggja Betesda, har kafé’in í dag er ein fastur og vælumtóktur partur av virkseminum.
Ráðleggingarfundur um Frítíðararbeiðið verður týsdagin 10. sept. kl 17-18.
Øll sum hava hug at hjálpa til í vetur eru vælkomin á fundin.
Ynskir tú at hjálpa til, kanst tú boða Jancy Høj frá á tel. 225362.
Í samband við at tað í komandi viku er Bíbliulestrarvika á skránni, fara vit á møtinum mikukvøldið 4. september kl. 20.00, at hoyra Sámal Mikkelsen tala útfrá kapittul 3:11-24 í Fyrsta brævið Jóhannesar.
Aftaná leggur Jóannis Skorheim roknskapin fyri Betesda fram.
Eftir møtti verður ein drekkamunnur.
Møti verður stroymt á heimasíðuni hjá Betesda.
Øll eru hjartaliga vælkomin.
31. august kl. 11-16 verður „Betesda dagur“ í Betesda. „Betesda dagur“ er ein hugnaligur dagur fyri øll í samkomuni og so bjóði endiliga øðrum við.
Á skránni verður m.á. spøl, hugni, kafe og grilling.
Sonni Poulsen talar á møtinum í Betesda mikukvøldið 28. august kl. 20.
Hjartaliga vælkomin
1. januar 1980 fór Sonni Poulsen av Sandi til Onglands á bíbliuskúla hjá NTM.
Í juni 1981 giftist hann við Julie, sum er úr USA.
Í 1985 fóru tey í fulltíðar tænastu fyri HARRAN í Papua Ný Guinea, har tey virkaðu í 21 ár.
Eftir hetta vóru tey í USA í 8 ár at hjálpa mammu Julie og børnunum.
Í 2015 fluttu Julie og Sonni til Onglands at undirvísa á skúlanum hjá NTM í North Cotes uttan fyri Grimsby.
Fyri 3 árum síðani gjørdist Sonni sjúkur, og tey eru nú givin í heiltíðartænastuni vegna heilsuna.
Síðan tá hava tey búð í USA, har Sonni hevur havt vanligt arbeiði.
Julie og Sonni eiga 4 børn og 19 barnabørn. Ein dóttir og ein sonur virka fyri HARRAN í Papua Ný Guinea innan NTM.
Tey eru: Annika, gift við Simon úr Norður Írlandi, og Brian, giftur við Lily úr USA.
Leygardagin 24. august kl. 12 giftast Chanet Marjunardóttir Dam og David Magnason Simonsen.
Samkoman Betesda
Biskupsstøðgøta
700 Klaksvík
Konta í Norðoya Sparikassa:
9865 – 495.006.7
