Kom og hoyr Sangkórið í Betesda og um leguarbeiði í Grønlandi í summar

Á møtinum í Betesda 1. hvítusunnukvøld kl. 18 luttekur Sangkórið í Betesda, og 2. hvítusunnukvøld kl. 18 kemur ein bólkur av ungum og vaksnum at greiða frá legunum við Ameralikfjørðin í Grønlandi.

Tað var í 1975, at Jonna og Hans Sivertsen, trúboðarar, byrjaðu legurnar við Ameralikfjørðin í Grønlandi, har tað framvegis í dag verða hildnar legur fyri børn og ung.

Í summar fer ein bólkur av føroyingum til Grønlands at luttaka á legunum, og 2. hvítusunnukvøld kl. 18 í Betesda verður høvi at hoyra hesi greiða frá ætlaðu ferðini og frá Grønlandi sum heild.

Elin Sørensen, sum er uppvaksin í Grønlandi, greiðir frá, hvussu tað var at koma á legu sum barn og síðan seinni at koma aftur at hjálpa til sum vaksin saman við manni og børnum.

Martin Sivertsen vísir eitt stutt videobrot, nakrar myndir og greiðir frá arbeiðnum í Grønlandi.

Ró á Lakjuni Simonsen luttekur við sangi á hesum møtinum 2. hvítusunnudag kl. 18 í Betesda.

Hjartaliga vælkomin.

Mikukvøldið er einki møti, av tí at hósdagurin er Kristi Himmalferðardagur.

Hósdagin, Kristi Himmalferðardag er evangeliskt møti kl. 18:00, og ungdómsmøti er kl 21:00.

Hjartaliga vælkomin

Komandi sunnukvøld, 28. apríl kl. 18, vitjar Jóhannis Mortensen, trúboðari í Fraklandi, á møtinum í Betesda. Jóhannis er úr Klaksvík og er giftur Cecile, sum er fronsk, og eiga tey tríggjar døtrar. Jóhannis hevur búð í Fraklandi síðani 2008, og eru Cecile og hann saman við øðrum nú farin undir at byrja eina nýggja samkomu […]

Mikukvøldið kl 20:00 byrjar ein nýggj røð av bíbliulestrarvikum.

Evnið í hesi røðini er Fyrsta bræv Jóhannesar. Leisturin verður eitt sindur umlagdur, tí vit avmarka okkum nú til møtið mikukvøld. Alt hetta árið út verða bíbliulestrarvikur hvørt seinasta mikukvøld í mánaðinum.

Nú mikukvøldið leggur Sámal Mikkelsen fyri við eini innleiðslu til Fyrsta bræv Jóhannesar, og síðan eini gjøgnumgongd av kapittul 1, versini 1-4 – „Orð lívsins“.

Eftir møtið verður ein drekkamunnur.