Dwight Sharp talar á uppbyggingarmøtinum í kvøld kl. 20

Á uppbyggingarmøtinum í kvøld, mikukvøldið 3. august, kl. 20 talar Dwight Sharp.

Ginny og Dwight Sharp hava virkað sum fulltíðar trúboðarar innan trúboðanarfelagsskapin NTM, eitt nú í Indonesia og á Filipsoyggjunum.

Tey búgva nú í Florida, men eru í løtuni í Føroyum, her tey vitja sonin, Tim Sharp og Moniku Kunoy Sharp og børn teirra.

Monika og Tim hava í mong ár virkað sum fulltíðar trúboðarar á Filipsoyggjunum, og eru í løtuni heima í Klaksvík í farloyvi.

Dwight Sharp kemur at tala á uppbyggingarmøtinum í kvøld, mikukvøldið 3. august, kl. 20.

Kristian Hansen talar á møtinum mikukvøldið kl. 20

Á uppbyggingarmøtinum mikukvøldið 27. juli kl. 20 talar Kristian Hansen út frá Jóhannesar evangelii, kapittul 1, frá 14. ørindi og úteftir.

Hjartaliga vælkomin 🙏

Cecile og Jóhannis Mortensen verða við á morgunmøtinum sunnudagin 31. juli

Eftir breyðbrótingina komandi sunnudag 31. juli, fara Cecile og Jóhannis Mortensen at hava eina stutta frágreiðing um trúboðanarvirksemi teirra. Tey bæði virka fyri HARRAN í trúboðarafelagsskapinum OM í Nantes í Fraklandi.

Jóhannis Mortensen er úr Klaksvík, og konan, Cecile, er úr Nantes í Fraklandi, har tey virka fyri HARRAN í felagsskapinum OM International. Tey eiga børnini Sarah 11 ár, Leah 8 og Abigail 3.

Cecile og Jóhannis eru heima í Føroyum og vitja frá 18. juli til 4. august, og í tí sambandi vil samkoman í Betesda fegin geva teimum høvi at greiða samkomuni frá arbeiði teirra.

Tey verða við á morgunmøtinum í Betesda 31. juli kl. 11:00.

Nurimar og Jóhannus Frants Poulsen vitja í Betesda mikukvøldið

Nurimar og Jóhannus Frants Poulsen, ið virka fyri Harran í Venesuela, koma at vitja samkomuna á uppbyggingarmøtinum mikukvøldið 20. juli kl. 20.

Tey koma at greiða frá arbeiði teirra og vísa myndir, og eisini fer Jóhannus Frants at hava eitt orð frá Harranum. Aftan á møtið verður kaffi at fáa, so at høvið verður at heilsa upp á tey bæði.

Tey eru í Føroyum frá 3. juni til 20. aug. at vitja familju, vinir og samkomur.

Jóhannus Frants fór av fyrstum til Venesuela í 1997, og virkar hann framvegis sum trúboðari har. Í 2009 giftist Jóhannus Frants við Nurimar, sum er úr Venesuela, og virka tey saman sum trúboðarar í býnum Puerto Ordaz.

Nurimar og Jóhannus Frants vitja, sum nevnt, á møtinum mikukvøldið kl. 20.

Sámal og Khulda greiða frá

Á uppbyggingarmøtinum í kvøld kl.20.00. Koma Khuldah og Sámal Mikkelsen at greiða frá ferð teirra í Pakistan.

Eftir møti verður ein drekkamunnur.

Øll eru hjartaliga vælkomin

Temakvøld: náttúra Guds

Tey ungu hava temakvøld/tema-ungdómsmøti fríggjakvøldið 10/06 og 11/06, og byrja bæði kvøldini kl. 2000. Vit vóna at síggja so mong ung koma saman sum yvirhøvur gjørligt. Tað er fyri 7. flokk og uppeftir, eins og Opið Hús. Meir kann lesast á ‘Ung í Betesda’ bólkinum á Facebook.

Møtir á hvítusunnu

Á hvítusunnu verða hesi møti í Betesda:

Hvítusunnudag:

Kl. 11:00 – Breyðbróting

Kl. 12:30 – Sunnudagsskúli

Kl. 18:00 – Evangeliskt møti

2. hvítusunnudag:

Kl. 18:00 – Evangeliskt møti

Øll eru hjartaliga vælkomin.

Vørur til Zarepta

Familjulegur eru í Zarepta, og hesuferð eru tað samkomurnar Saron á Viðareiði, Hermon í Norðdepli og Betesda í Klaksvík sum kunnu lata baki- og matvørur til familjurnar at eta! 😊

Um tú ynskir at lata vørur, kanst tú seta tær inn í Betesda áðrenn kl. 18:00 nú leygardagin 4. juni.

Møti kl. 18 Kristi Himmalferðadag

Einki uppbyggingarmøti mikukvøldið

Í kvøld, mikukvøldið 25. mai, verður einki møti í Betesda.

Í morgin, Kristi Himmalferðardag, verður evangeliskt møti kl. 18:00, og ungdómsmøti verður kl. 21:00.

Hjartaliga vælkomin 

Sangløta/konsert til heiðurs fyri Árna Jacobsen

Sunnukvøldið 29 mai, Norðoyastevnudag, klokkan 19 verður ein serstøk sangløta/konsert í Betesda í Klaksvík, í samband við at nýggj fløga, við sangum sum Árni Jacobsen hevur yrkt ella týtt, kemur út.

Talan er um konsert til heiðurs fyri Árna Jacobsen, sála.

Á fløguni eru seytjan sangir við Betesdakórinum, Kvartettini í Betesda, Vitin, Zamar, Eyðun Jacobsen, og harafturat syngja børnini hjá Elisabeth og Árna, Alex, Jóna og Rani, ein sang.

Tónleikurin til fløguna er innspældur í Crossroad Studios í Arden NC við Jeff Collins sum produsara.

Røddirnar eru tiknar up í studionum hjá Erik Biskopstø, Pætur Gerðalíð og Torkil Mørkøre. Ljóblanda og mastra hava Erik Biskopstø, Torkil Mørkøre og Kristoffur Mørkøre.

Til ber at ogna sær fløguna til hesa sangløtuna, har drekkamunnur eisini er á skránni.

Um tað ikki liggur fyri at koma, ber til at lurta eftir stroymingini á www.betesda.fo