Kvinnumøti

Fríggjadagin 20. mai verður kvinnumøti í Betesda kl. 20.

Guðrið Larsen tosar, evni Rutt.

Verið hjartaliga vælkomnar!

John í Skemmuni vitjar samkomuna

Á evangeliska møtinum komandi sunnukvøld 15. mai kl. 18 fáa vit vitjan av John í Skemmuni, sum eisini fer at tala á bønarmøtinum mánakvøldið 16. mai kl. 20 og á uppbyggingarmøtinum mikukvøldið 18. mai kl. 20.

John í Skemmuni, sum býr í Porkeri, virkar sum fulltíðar trúboðari í og út frá samkomunum.

Ein partur av tænastu hansara er at vitja samkomurnar, og vit gleða okkum at fáa John á vitjan í Betesda. Um Harrin vil, og vit liva, fer John í Skemmuni at tala á møtunum:

  • Sunnukvøldið 15. mai kl. 18.
  • Mánakvøldið 16. mai kl. 20.
  • Mikukvøldið 18. mai kl. 20.

Hjartaliga vælkomin 🙂

Høvuðsreingerð í Zarepta

Komandi sunnudag byrjar høvuðsreingerðin á Zarepta, vaskað verður 15.-21. mai.

Onkur broyting er viðvíkjandi hvør samkoma vaskar hvat. Tað kemst av, at Niðaralon verður nógv brúkt og har er nógv at fara um.

Avmarkað mongd av vaskiamboðum er í Zarepta. Tað kann tí lætta um at hava vaskiamboð og dustsúgvara við.  Sápa verður útvegað har vesturi.  Jú fleiri, ið kunnu luttaka, jú skjótari og lættari verður tað, at fáa arbeiðið gjørt.  

Seinast var undirtøkan sera góð.  Vit vóna, at undirtøkan verður eins góð hesuferð.  

Leygardagin 21. mai, verður døgurði at fáa. Tilmelding kann gerast hjá Sigrid Sivertsen á. tel. 215671

Benjamin Hansen luttekur á møtinum mikukvøldið 4. mai

Á uppbyggingarmøtinum mikukvøldið kl. 20 fer Benjamin Hansen at bera fram eina stutta heilsan til samkomuna, nú hann hósdagin fer avstað aftur til Týsklands, har hann og konan, Wina, virka sum fulltíðar trúboðarar.

Benjamin er sonur Petur Hansen, sum er úr Klaksvík, her hann øll síni ungdómsár var virkin partur av samkomuni í Betesda. Petur fór út sum fulltíðar trúboðari í trúboðanarfelagsskapinum New Tribes Mission (NTM), har hann og konan, Rachel, framvegis virka. Í nógv ár virkaðu tey í Papua Ný Guinea, har sonur teirra, Benjamin, sum nú vitjar aftur til Klaksvíkar, vaks upp.

Benjamin og Wina, sum eiga sonin Noah Elias, ið er 10 ár, virka sum fulltíðar trúboðarar í Týsklandi fyri trúboðanarfelagsskapin Ethnos 360, sum er eitt av nýggjaru heitunum fyri NTM, New Tribes Mission.

Tann 11. apríl komu tey til Føroya á vitjan. Vegna skúlagongd steðgaðu Wina og sonurin, Noah Elias, bert 14 dagar, meðan Benjamin enn er her í Føroyum. Hann fer avstað aftur hósdagin 5. mai.

– Okkum dámar so sera væl her í Føroyum, sigur Benjamin, sum gleðir seg at heilsa uppá so mong sum gjørligt nú mikukvøldið í Betesda, har ein drekkamunnur verður eftir møtið.

Familju bønarmøtið 9. mai kl 19

Vælkomin á familju bønarmøtið 9. mai kl. 19. Biði verður fyri børnum – bæði nær og fjar.

Biði verður serliga fyri:
– børnum hjá trúboðarum
– familjunum í samkomuni
– øllum børnum, sum koma í sunnudagsskúla í Betesda.

Í Matt. 11:28 stendur: Komið higar til Mín, øll tit, ið strevast og hava tungt at bera – Eg skal geva tykkum hvílu!
Tað hevði tí glett okkum at sæð nógv hjún og nógvar familjur í samkomuni til hetta bønarmøti, tí vit hava alla orsøk at bera hvønn annan fram fyri Harran í Bøn!

Hetta møti er flutt til kl. 19, fyri at geva enn fleiri familjum møguleikan at vera við!

Benjamin og Wina Hansen luttaka á møtinum mikukvøldið

Á uppbyggingarmøtinum mikukvøldið kl. 20 fara Benjamin og Wina Hansen at greiða frá arbeiði teirra sum fulltíðar trúboðarar í Týsklandi, og har vit eisini fáa ein boðskap úr Orði Guds.

Benjamin er sonur Petur Hansen, sum er úr Klaksvík, her hann øll síni ungdómsár var virkin partur av samkomuni í Betesda. Petur fór út sum fulltíðar trúboðari í trúboðanarfelagsskapinum New Tribes Mission (NTM), har hann og konan, Rachel, framvegis virka. Í nógv ár virkaðu tey í Papua Ný Guinea, har sonur teirra, Benjamin, sum nú vitjar aftur til Klaksvíkar, vaks upp.

Benjamin og Wina, sum eiga sonin Noah Elias, ið er 10 ár, virka sum fulltíðar trúboðarar í Týsklandi fyri trúboðanarfelagsskapin Ethnos 360, sum er eitt av nýggjaru heitunum fyri NTM, New Tribes Mission.

Tann 11. apríl komu tey til Føroya á vitjan. Vegna skúlagongd steðga Wina og sonurin, Noah Elias, bert 14 dagar, meðan Benjamin verður eitt sindur longri her í Føroyum. Hann fer avstað aftur 5. mai.

Tey gleða seg til at vitja hendan vegin.

– Seinast, vit vóru í Føroyum, var í 2017, so tað er longu langt síðani.

– Vit løgdu ætlanir um at koma til Føroya í 2020, men hetta var avlýst vegna korona, men nú eru vit so fegin um, at vit sum familja kunnu vitja í Føroyum, siga tey bæði.

Wina og Benjamin verða við á uppbyggingarmøtinum í Betesda mikukvøldið 20. apríl, har tey fara at greiða frá arbeiði teirra, og har vit eisini fáa ein boðskap úr orði Guds.

Møtir í Betesda á páskum

Nú um páskahøgtíðina eru hesi møti í Betesda

Skíriskvøld kl. 20: Ungdómsmøti.

Langa fríggjakvøld kl. 18: Evangeliskt møti.

Leygarkvøldið kl. 21: Opið hús.

Páskadag:

  • kl. 11: Breyðbróting.
  • kl. 12:30: Sunnudagsskúli.
  • kl. 18: Evangeliskt møti. Dópur verður.

2. Páskakvøld kl. 18: Evangeliskt møti.

Gleðiligar páskir

Páskamøtir 14.-17. apríl 2022

Samkomurnar í Siloa í Fuglafirði, Hebron í Leirvík og Filadelfia í Gøtu bjóða øllum vælkomnum á páskamøtir í Siloa í Fuglafirði og í Ítróttarhøllini á Kambsdali. Møtini skírisdag og langa fríggjadag eru í Siloa. Leygardag og 1. páskadag eru møtini í høllini á Kambsdali.

Skírisdag – 14. apríl
KL. 18.00 MØTI Í SILOA – Tóra við Keldu og Oddur á Lakjuni tala. Joy Johannesen syngur.

Langa Fríggjadag – 15. apríl
KL. 18.00 MØTI Í SILOA – Tim Sharp og Margareth Djurhuus tala. Siloakórið syngur.
KL. 21.00 UNGDÓMSMØTI Í SILOA

Leygardag – 16. apríl
KL. 15-17 ÁHUGATÍMAR Í MIÐNÁMI Á KAMBSDALI 
– Dópur? – Høgni Johannesen 
– Ein samansett familja – Dánjal og Eyðbritt Eysturstein 
– Legurnar í Grønlandi 
– Forfylging í dag – Rói Norðoy, Open Doors 
– Ljósið í myrkrinum. Søgur frá trúboðaramarkinum – Monika Sharp

KL. 20.00 MØTI Í HØLLINI Á KAMBSDALI – Synøva av Rana og Símun Absalonsen tala. Bárður á Lakjuni syngur.

KL. 22.00 UNGDÓMSMØTI Í HØLLINI Á KAMBSDALI 

1. Páskadag – 17. apríl
KL. 12.00 FAMILJUMØTI Í HØLLINI Á KAMBSDALI – Olga Skorastein sigur søgu og Arni Zachariassen talar.
KL. 13.15 MÁLTÍÐ
KL. 14.00 SUNNUDAGSSKÚLI Í MIÐNÁMI Á KAMBSDALI
KL. 14.00 MØTI VIÐ BREYÐBRÓTING Í HØLLINI Á KAMBSDALI – Klæmint Eliasen talar um heilagu kvöldmáltíðina úr Lukas kap. 22.
KL. 19.00 KONSERT Í HØLLINI Á KAMBSDALI – Maria á Lakjuni og LOT syngja.

Hjúnakvøld

Fríggjakvøldið 8. apríl kl. 20.00 verður eitt hjúnakvøld í Betesda. Vit vísa filmin „Paul: The Apostle of Christ“. Filmurin hevur 15 ára aldursmark.

Vit bjóða okkurt gott afturvið filminum.

Verið hjartaliga vælkomin.

Eldrasamkoma verður fríggjadagin kl. 15!

Eftir umleið tvey ára steðg í samband við Korona-sóttina, koma tey eldru saman aftur í Betesda fríggjadagin 25. mars kl. 15.

Umframt at broðreitt verður við drekkamunni, felagssangi, einum orði og at tíð verður til eitt hugnaprát, verða vístar myndir av 70 ára føðingardegnum hjá Eliesari Poulsen. Myndirnar vórðu tiknar fyri umleið hálvari øld síðani og har síggja vit mong kend andlit av fólkum, sum tey eldru minnast.Eisini verða nøkur fá orð søgd um Elieser Poulsen, sum í mong ár var ein av teimum, ið var sera virksamur í samkomuni í Betesda.

Øll eru hjartaliga vælkomin!