Á møtinum í Betesda sunnukvøldið kl. 18 fer Sámal Mikkelsen at kunna um virksemið í Zarepta, og sangkórið fer eisini at luttaka.
Nú fer so smátt at vára, og summarið nærkast, har nógv virksemið aftur í ár verður í Zarepta á Vatnsoyrum.
Sunnukvøldið verður høvi at hoyra Sámal Mikkelsen, leiðara fyri Zarepta, kunna um virksemið í Zarepta. Eisini fer hann at hava eitt orð, og sangkórið í Betesda fer at luttaka.
Hjartaliga vælkomin 🙂
Høvusreingerð Zarepta 2026
Í døgunum mánadagin 30. Mars til týsdagin 14. Apríl er høvusreingerð í Zarepta.
Betesda hevur ábyrgd av dreingjadeildini.
Vanligar dagar er Zarepta opið frá morgunstundini.
Við tað, at fleiri samkomur vaska samstundis, kann tað vera hent, at hava amboð við, so sleppast kann undan at bíða eftir tøkum amboðum.
Tað er eingin forðing, at hava børn við og tað er einki aldursmark.
Tað er okkara ynski og bøn, at systkinni fara at seta sær tíð av til hesa tænastu.
Berið vinarliga boðini til tey, sum hava møguleika, at vera við. Jú fleiri hendir jú betur
Boðast kann frá luttøku á messenger ella á fartelefonini.
Vinarliga
Sigrid Sivertsen: 21 56 71
Palli Sivertsen: 21 32 42
Leygardagin 28. mars kl. 13 giftast Ester Norðbúð og Árant Mortensen.
Á uppbyggingarmøtinum í Betesda mikukvøldið kl. 20 fer Óli Steinberg at tala um burturrykking samkomunnar og opinberligu komu Kristusar.
Hjúnini Anna og Óli Steinberg fóru á venjingarskúla hja NTM í 1971, og í 1977 fóru tey til Grønlands at virka sum trúboðarar.
Sostatt teljast Anna og Óli millum trúboðararnar, ið hava virkað drúgva tíð í Grønlandi.
Tey fluttu aftur til Klaksvíkar í 1999, hiðani tey í nógv ár hildu fram í verkinum í Grønlandi. Eisini eru tey ein virkin partur av samkomuni í Betesda.
Óli hevur í mong ár havt serliga stóran áhuga í profetisku ætlan Guds, sum hevur givið honum sera gott innlit í tað, sum orð Guds lærir um endatíðina.
Mikukvøldið kl. 20 fer Óli at tala um evnið „Burturrykking samkomunnar og opinberliga koma Kristusar“ við støði í 1. Tess. 4:13-18 og 2. Tess. 2:1-10.
Eftir møtið verður ein drekkamunnur.
Hjartaliga vælkomin 😊
Á møtinum mikukvøldið kl. 20 heldur Petur á Roykheyggi fram at gjøgnumganga Jákupsbrævið.
Parturin, sum hesaferð verður gjøgnumgingin, er frá kapittul 1, vers 21 til kapittul 2, vers 5.
Hjartaliga vælkomin 🙂
Týsdagin kl.17:15-19:00 verður seinasta frítíðararbeið í vetur. Tá verður ein hugnaløta her í salinum, har foreldur/avvarðandi eru boðin við. Á skránni verður m.a. sangur, søga, spøl – og vit enda við eini máltíð.
Børnini hava fingið innbjóðing heim við seinasta týskvøld, men av tí at tað ikki vóru eins nógv børn tá, sum tað plagar, hevði verið gott, um tit minna tykkara á tað.
Sunnudagin vitja Marjun og Páll Poulsen í Betesda, har Páll á møtinum kl. 18, fer at tala um tíðarteknini út frá Matteus 24. Sangkórið í Betesda luttekur.
Páll Poulsen er uppvaksin í Klaksvík og er millum teir allarfyrstu, ið fóru út sum fulltíðar trúboðarar úr samkomuni í Betesda. Sunnudagin vitjar hann heimaftur saman við konuni, Marjun.
Páll var í Íslandi í 1963 í tænastu Harrans. Í 1965 fór hann til USA á trúboðara-venjingarskúla hjá New Tribes Mission (NTM) og fór eftir tað í fulltíðartænastu, har hann hevur virkað bæði í Grønlandi og her heima. Síðan 2009 hevur Páll saman við Marjun staðið á odda fyri barnalegum við Nimerialik vatnið í Grønlandi.
Á morgunmøtinum kl. 11 fer Páll at hava eitt orð eftir breyðbrótingina, og á møtinum kl. 18 fer hann at tala um tíðarteknini út frá Matteus 24. Sangkórið í Betesda luttekur eisini.
Hjartaliga vælkomin 🙂
Mikukvøldið kl. 20 verður uppbyggingarmøti, har Jákup N. Olsen talar um evnið evnið: ”Signing Guds – Hvat er signing Guds, og hvat skal til, fyri at HARRIN kann signa okkum?”
Eftir møtið verður ein drekkamunnur
Hjartaliga vælkomin 🙂
Á møtinum í Betesda sunnukvøldið kl. 18 verður høvi at hoyra Sangkórið í Betesda syngja nakrar sangir. Hallur Joensen byrjar við bøn, og dópur verður eisini á møtinum.
Tað var í 1926, at Sangkórið í Betesda varð sett á stovn, so tað er í ár, at hetta virkna sangkórið fer um tey 100 árini.
Alla hesa øldina hevur sangkórið verið støðugt virkið, og enn sum áður luttekur tað regluliga á møtunum í Betesda. Soleiðis verður eisini nú sunnukvøldið, har høvið verður at hoyra nakrar av nýggjaru sangunum hjá kórinum.
Hallur Joensen byrjar við bøn, og eisini verður dópur á møtinum.
Hjartaliga vælkomin.
Samkoman Betesda
Biskupsstøðgøta
700 Klaksvík
Konta í Norðoya Sparikassa:
9865 – 495.006.7
