Jarðarferð: Mads Nørregaard Nielsen

Urnan við Mads Nørregaard Nielsen fer úr Betesda mánadagin kl. 13.

Betesda fær vitjan á møtinum sunnukvøldið – dópur verður

Á møtinum í Betesda sunnukvøldið kl. 18 fara brøður úr Havn og aðrastaðni at luttaka. Eisini verður dópur.

Starabúrið fer at senda frá møtinum. Starabúrið hevur facebook vanga og kann hoyrast á stream.fo og á FM 98,7

Hjartaliga vælkomin

🙂

Ein ferð gjøgnum Jákupsbrævið við Petur á Roykheyggi – mikukvøldið

Á møtinum í Betesda mikukvøldið, kl. 20 heldur Petur á Roykheyggi fram at gjøgnumganga Jákupsbrævið.

Parturin, sum hesaferð verður gjøgnumgingin, er kapittul 3, versini 9-18.

—-

Petur á Roykheyggi er 36 ára gamal og giftur við Biritu. Tey eru búsitandi í Runavík og eiga fimm børn.

Petur er í fulltíðar tænastu fyri HARRAN her heima í Føroyum, her tænastan eitt nú fevnir um at vitja kring landið at kunngera evangeliið og prædika orð Guds.

—-

Hjartaliga vælkomin 🙂

Seinasti sunnudagsskúli sunnudagin – bíbliuløtuna talar Jens Christian Olsen

Nú sunnudagin 14. juni verður seinasti sunnudagsskúlin áðrenn summarsteðgin, so vit vóna at síggja mong – eisini til bíbliuløtuna til okkum vaksnu kl. 13:00, har Jens Christian Olsen talar.

Seinasta sunnudag var fyrsta bíbliuløtan til tey vaksnu í sunnudagsskúlanum – ein løta, sum eydnaðist væl, har Símun Absalonsen talaði út frá Rómbrævinum, kapittul 1 og 2.

Nú sunnudagin kemur Jens Christian Olsen av Toftum at hava taluna í bíbliuløtuni kl. 13:00, har hann fer at taka fyrsta part av trimum um Efesusbrævið. Yvirskriftin er: „Eg í Honum“.

Hetta verður seinasti sunnudagsskúlin áðrenn summarsteðgin, so eftir sunnudagin verður ein steðgur, meðan skúlarnir hava summarfrí – byrjað verður aftur um hálvan august.

Enskt møti kl. 14:30

Monika og Tim Sharp skipa hvønn sunnudag fyri enskum møti, sum er frá kl. 14:30 til 15:30.

Á hesum møtum talar Tim Sharp, har hann gjøgnumgongur skriftirnar á ein skipaðan hátt.

Sigið endiliga øðrum frá um hesi møtini, sum serliga eru ætlað teimum enskttalandi, men her er týðandi at undirstrika, at øll eru hjartaliga vælkomin á hesi møti.

Evangeliskt møti kl. 18:00

Sunnukvøldið kl. 18:00 verður evangeliskt møti, har høvi er at tala og vitna um HARRAN Jesus.

Skráin sunnudagin í Betesda

11:00-12:15 Morgunmøti
12:15-13:00 Kaffi í gongini
12:30-13:00 Sunnudagsskúlin
13:00-13:30 Børnini í flokkar
13:00-13:30 Løta í salinum
14:30-15:30 Enskt møti
18:00-19:00 Evangeliskt møti

Øll eru hjartaliga vælkomin til øll hesi tiltøk og møti

🙂

Sunnukvøld kl. 18

Kl. 18:00 í kvøld verður evangeliskt møti, sum tey ungu skipa fyri. Sámal Mikkelsen talar. Evnið er tað fimta evangeliið. Julia Bogadóttir hevur vitnusburð. Syngja lovsang saman. Og so eisini er kaffi.

Sørin og Corine Joensen vitjað mikukvøldið

Mikukvøldið kl. 20 er uppbyggingarmøti, har Sørin og Corine Joensen verða við.

Bíbliuløta fyri vaksin – í sunnudagsskúlanum

Nú sunnudagin 7. juni byrjar eitt nýtt átak í sunnudagsskúlanum við bíbliuløtu fyri teimum vaksnu, meðan børnini eru í flokkunum og hoyra bíbliusøgu. Øll eru hjartaliga vælkomin 😊

Foreldur hava gjørt vart við, at tey sakna eina løtu í Betesda fyri tey vaksnu um middagsleitið sunnudagar.

Hetta man vera eitt tað besta høvið til eina róliga løtu, har tey vaksnu fáa ein boðskap úr Bíbliuni.

Komandi sunnudag 7. juni byrja vit at hava hesa bíbliuløtu fast í salinum tann seinna hálva tíman í sunnudagsskúlanum, tá børnini eru í flokkunum.

Ymsir fyrireikaðir talarar, lokalir og vitjandi, koma at tala:

• 7. juni talar Símun Absalonsen út frá 1. og 2. kapitli í Rómbrævinum (fyrsti partur)

• 14. juni talar Jens Olsen av Toftum út frá Efesusbrævinum (fyrsti partur), undir yvirskriftini: “Eg í Honum”

Eftir hetta fer sunnudagsskúlin í summarferiu til hálvan august. Tá byrjar bíbliuløtan eisini aftur.

Skráin um middagsleitið sunnudag:

11:00-12:15 Morgunmøti

12:15-13:00 Kaffi í gongini (beint eftir morgunmøtið)

12:30-13:00 Sunnudagsskúlin byrjar við sangi í salinum

13:00-13:30 Børnini fara í flokkarnar at hoyra bíbliusøgu

13:00-13:30 Bíbliuløta í salinum fyri tey vaksnu

HARRIN signi og leiði okkum eftir ráði Sínum. (Sálm. 73:24)

“Byggir ikki HARRIN húsið, so arbeiða teir til ónyttu, sum byggja at tí; varðar ikki HARRIN staðin, so vakir vaktarin til ónyttu.” (Sálm. 127:1)

Takk, um tit bera hetta víðari til onnur, so fleiri fáa høvi at koma til hesar bíbliuløturnar, ið hava til endamáls at geva góðan andaligan førning inn í okkara nógv upptikna dagligdag.

Hjartaliga vælkomin 😊

Sangløta á Norðoyastevnu

Hjartaliga vælkomin á sangløtu við Betesdakórinum sunnudagin á Norðyastevnu kl. 19 í Betesda.

Møtir á Hvítusunnu

Hvítusunnudag kl. 18 verður evangeliskt møti, har sangkórið luttekur, og Svenning av Lofti talar. Fyrst á møtinum fer Beinta Vang at kunna um Open Doors. 

Annan hvítusunnudag kl. 18 verður evangeliskt møti, har orðið verður frítt.

Øll eru hjartaliga vælkomin

Ein ferð gjøgnum Jákupsbrævið við Petur á Roykheyggi – mikukvøldið

Á møtinum í Betesda mikukvøldið, kl. 20 heldur Petur á Roykheyggi fram at gjøgnumganga Jákupsbrævið.

Parturin, sum hesaferð verður gjøgnumgingin, er kapittul 3, versini 1 til 8.

—-

Petur á Roykheyggi er 36 ára gamal og giftur við Biritu. Tey eru búsitandi í Runavík og eiga fimm børn.

Petur er í fulltíðar tænastu fyri HARRAN her heima í Føroyum, her tænastan eitt nú fevnir um at vitja kring landið at kunngera evangeliið og prædika orð Guds.

—-

Hjartaliga vælkomin 🙂