Kvinnumøti fríggjadagin

Kvinnumøti verður fríggjadagin 6. mars kl. 20.

Á skránni hesaferð eru vitnsburðir frá Guðrun M. Steinberg, Naomi Marguerita Jørgensen og Helenu Johannesen.

Hjartaliga vælkomnar

🙂

Petur á Roykheyggi í Betesda mikukvøldið

Á møtinum í Betesda mikukvøldið kl. 20 talar Petur á Roykheyggi út frá Jákupsbrævinum, kapitul 1 versini 9 til 20.

Petur á Roykheyggi er 36 ára gamal og giftur við Biritu. Tey eru búsitandi í Runavík og eiga fimm børn.

Fyri nøkrum árum síðan tóku tey bæði avgerð um, at Petur skuldi fara út í fulltíðar tænastu fyri HARRAN her heima í Føroyum, her tænastan eitt nú fevnir um at vitja kring landið at kunngera evangeliið og prædika orð Guds.

Komandi tíðina fer Petur av og á at vitja í Betesda, har hann fer at gjøgnumganga Jákupsbrævið.

Hjartaliga vælkomin 

Lesandi frá North Cotes vitja mikukvøldið

Mikukvøldið kl. 20 verður uppbyggingarmøti, har vit fáa vitjan av nøkrum lesandi á bíbliuskúlanum hjá NTM í North Cotes í Onglandi.

Petur á Roykheyggi í Betesda mikukvøldið

Á møtinum í Betesda mikukvøldið kl. 20 talar Petur á Roykheyggi út frá Jákupsbrævinum.

Petur á Roykheyggi er 36 ára gamal og giftur við Biritu. Tey eru búsitandi í Runavík og eiga fimm børn.

Fyri nøkrum árum síðan tóku tey bæði avgerð um, at Petur skuldi fara út í fulltíðar tænastu fyri HARRAN her heima í Føroyum, her tænastan eitt nú fevnir um at vitja kring landið at kunngera evangeliið og prædika orð Guds.

Komandi tíðina fer Petur av og á at vitja í Betesda, har hann fer at gjøgnumganga Jákupsbrævið – og tað byrjar nú mikukvøldið 18. februar kl. 20.

Hjartaliga vælkomin 🙂

John í Skemmuni talar mikukvøldið

Read more

Kunning um roknskap og reingerðing mikukvøldið

Á uppbyggingarmøtinum mikukvøldið kl. 20 verður seinna helvtin av møtinum brúkt til kunning um roknskapin og um reingerðingina í Betesda.

Fyrra helvtin av møtinum verður uppbyggingarmøti sum vant, og síðan verður kunning.

Roknskapurin hjá samkomuni fyri 2025 er nú avsluttaður og grannskoðaður, og í tí sambandi fer Jóannis Skorheim at kunna um høvuðstølini og greiða frá roknskapinum. Høvi verður eisini at seta spurningar.

Eisini fara Maria og Jógvan Isaksen at kunnað um reingerðingina av Betesda, hvussu hetta arbeiðið er skipað, tørvin á fólki o.s.fr., og verður eisini høvi at seta spurningar.

Hjartaliga vælkomin

🙂

30 ung luttóku í Didasko

Read more

Brúðarvígsla týsdagin 30. desember kl. 12

Týsdagin 30. desember kl. 12 giftast Evy á Lakjuni og Jens Guttesen.

Miriam og Niels Vang við á bønarmøtinum mánakvøldið

Á bønarmøtinum mánakvøldið fara Miriam og Niels Vang at greiða frá arbeiði teirra fyri HARRAN í Eysturgrønlandi. Eisini verður dópur.

Eftir at hava verið á bíbliuskúla hjá trúboðanarfelagsskapinum NTM fluttu Miriam og Niels í 2001 til Eysturgrønlands at virka sum trúboðarar.

Høvuðsbýurin er Tasiilaq við uml. 2000 íbúgvum, og so eru 5 smáar bygdir við íalt 1000 íbúgvum, sum eru Kuummiut, Kulusuk, Tiniteqilaaq, Isortoq og Sermiligaaq. 

Fyrstu árini búðu Miriam og Niels í Kuummiut, og í 2016 fluttu tey bústað til Tasiilaq, har tey nú búgva.

Í dag er ein lítil samkoma í Tasiilaq, har møti er hvønn sunnudag og hvørt hóskvøld. Nógv ung koma í samkomuna, og Miriam og Niels samskifta nógv við hesi. Eisini eru bíbliutímar við teimum, sum hava játtað trúgv, og onkuntíð verður skipað fyri serligum gentukvøldum.

Miriam og Niels eiga børnini Jóhan, Lydia og Kezia, og fimm barnabørn.

Røturnar í Klaksvík

Miriam Vang er vaksin upp í Grønlandi. Foreldrini eru Jonna og Hans Sivertsen, sum í 1970 fóru til Grønlands, har tey virkaðu saman sum trúboðarar í Grønlandi, bæði í Nuuk og barnalegunum við Ameralikfjørðin. 

Í 2017 tók HARRIN Jonnu heim til Sín, og í 2018 flutti Hans heimaftur til Klaksvíkar, her hann nú býr.

Á bønarmøtinum mánakvøldið kl. 20 verður høvi at hoyra Niels og Miriam greiða frá teirra arbeiði fyri HARRAN í Grønlandi.

Skráin í Betesda um jólini

Nú vit nærkast jólum, eru onkur tiltøk farin í jólafrí, meðan onnur serlig tiltøk verða fyriskipað. Her er eitt yvirlit yvir møti og tiltøk annars í Betesda hesar komandi dagarnar.

Samkoman í Betesda ynskir øllum fólki okkara, á landi og sjógvi, eini gleðilig og friðsæl jól og eitt av HARRANUM signað nýggjár.

Sunnudag 21. desember

  • Kl. 14:30 útlendingamøti her í salinum, har øll eru vælkomin. Tað er Tim Sharp, sum saman við øðrum skipar fyri útlendingamøtinum, sum fer fram á enskum máli.
  • Kl. 19 jólasangløta við sangkórinum. Kórið fer at syngja kend jólaløg, vit hoyra ein góðan boðskap; eisini verður felagssangur. Aftaná verður drekkamuður.
  • Kl. 21 yngri og eldra andaktin hjá teimum ungu verða saman í Betesda í kvøld kl. 21.

Jólaaftan 24. desember

  • Jólaaftan verður ein løtt og hugnalig jólaløta í Betesda kl. 16. Á skránni verður sangur, søga og ein boðskapur at hoyra.

1. jóladag 25. des. 2025

  • Kl. 18:00 evangeliskt møti, har sangkórið luttekur.

2. jóladag 26. des. 2025

  • KL. 20:00 ungdómsmøti. John Færø talar.

Leygardagin 27. des. 2025

NÝGGJÁRSVEITSLUR FYRI BØRN

  • Kl. 11:00 Veitsla fyri børn 0-3 ár.
  • Kl. 15:00 Veitsla fyri børn, 4 ár og til og við 1. skúlaflokk.
  • Kl. 19:00 Veitsla fyri tey í 2. flokki og eldri.