Tag Archive for: Uppbyggingarmøti

Uppbyggingarmøti – Bíbliulestrarvika 1. februar 2023

Sámal Mikkelsen og Áron Sofus Vest tala út frá 1. Kor. 1:1-17. Maria á Lakjuni Simonsen leiðir sangin.

Heidi og Regin Guttesen luttaka á møtinum mikukvøldið

Á uppbyggingarmøtinum mikukvøldið kl. 20 luttaka Heidi og Regin Guttesen.

Heidi og Regin virka sum trúboðarar í Molise, Italia.

Tey eru heima í Føroyum frá miðjum juli og árið at enda.

Ein drekkamuður verður eftir møtið mikukvøldið, so høvi verður at heilsa upp á tey bæði.

Hallur og Shino á møtinum í kvøld

“Á uppbyggingarmøtinum í kvøld kl. 20, fara Shino og Hallur Mortensen, at greiða frá tænastu teirra í Japan. Eisini hava tey eitt orð til okkara.

Eftir møti verður ein drekkamuður.

Øll eru vælkomin!

Dwight Sharp talar á uppbyggingarmøtinum í kvøld kl. 20

Á uppbyggingarmøtinum í kvøld, mikukvøldið 3. august, kl. 20 talar Dwight Sharp.

Ginny og Dwight Sharp hava virkað sum fulltíðar trúboðarar innan trúboðanarfelagsskapin NTM, eitt nú í Indonesia og á Filipsoyggjunum.

Tey búgva nú í Florida, men eru í løtuni í Føroyum, her tey vitja sonin, Tim Sharp og Moniku Kunoy Sharp og børn teirra.

Monika og Tim hava í mong ár virkað sum fulltíðar trúboðarar á Filipsoyggjunum, og eru í løtuni heima í Klaksvík í farloyvi.

Dwight Sharp kemur at tala á uppbyggingarmøtinum í kvøld, mikukvøldið 3. august, kl. 20.

Kristian Hansen talar á møtinum mikukvøldið kl. 20

Á uppbyggingarmøtinum mikukvøldið 27. juli kl. 20 talar Kristian Hansen út frá Jóhannesar evangelii, kapittul 1, frá 14. ørindi og úteftir.

Hjartaliga vælkomin 🙏

Nurimar og Jóhannus Frants Poulsen vitja í Betesda mikukvøldið

Nurimar og Jóhannus Frants Poulsen, ið virka fyri Harran í Venesuela, koma at vitja samkomuna á uppbyggingarmøtinum mikukvøldið 20. juli kl. 20.

Tey koma at greiða frá arbeiði teirra og vísa myndir, og eisini fer Jóhannus Frants at hava eitt orð frá Harranum. Aftan á møtið verður kaffi at fáa, so at høvið verður at heilsa upp á tey bæði.

Tey eru í Føroyum frá 3. juni til 20. aug. at vitja familju, vinir og samkomur.

Jóhannus Frants fór av fyrstum til Venesuela í 1997, og virkar hann framvegis sum trúboðari har. Í 2009 giftist Jóhannus Frants við Nurimar, sum er úr Venesuela, og virka tey saman sum trúboðarar í býnum Puerto Ordaz.

Nurimar og Jóhannus Frants vitja, sum nevnt, á møtinum mikukvøldið kl. 20.

Sámal og Khulda greiða frá

Á uppbyggingarmøtinum í kvøld kl.20.00. Koma Khuldah og Sámal Mikkelsen at greiða frá ferð teirra í Pakistan.

Eftir møti verður ein drekkamunnur.

Øll eru hjartaliga vælkomin

John í Skemmuni vitjar samkomuna

Á evangeliska møtinum komandi sunnukvøld 15. mai kl. 18 fáa vit vitjan av John í Skemmuni, sum eisini fer at tala á bønarmøtinum mánakvøldið 16. mai kl. 20 og á uppbyggingarmøtinum mikukvøldið 18. mai kl. 20.

John í Skemmuni, sum býr í Porkeri, virkar sum fulltíðar trúboðari í og út frá samkomunum.

Ein partur av tænastu hansara er at vitja samkomurnar, og vit gleða okkum at fáa John á vitjan í Betesda. Um Harrin vil, og vit liva, fer John í Skemmuni at tala á møtunum:

  • Sunnukvøldið 15. mai kl. 18.
  • Mánakvøldið 16. mai kl. 20.
  • Mikukvøldið 18. mai kl. 20.

Hjartaliga vælkomin 🙂

Benjamin Hansen luttekur á møtinum mikukvøldið 4. mai

Á uppbyggingarmøtinum mikukvøldið kl. 20 fer Benjamin Hansen at bera fram eina stutta heilsan til samkomuna, nú hann hósdagin fer avstað aftur til Týsklands, har hann og konan, Wina, virka sum fulltíðar trúboðarar.

Benjamin er sonur Petur Hansen, sum er úr Klaksvík, her hann øll síni ungdómsár var virkin partur av samkomuni í Betesda. Petur fór út sum fulltíðar trúboðari í trúboðanarfelagsskapinum New Tribes Mission (NTM), har hann og konan, Rachel, framvegis virka. Í nógv ár virkaðu tey í Papua Ný Guinea, har sonur teirra, Benjamin, sum nú vitjar aftur til Klaksvíkar, vaks upp.

Benjamin og Wina, sum eiga sonin Noah Elias, ið er 10 ár, virka sum fulltíðar trúboðarar í Týsklandi fyri trúboðanarfelagsskapin Ethnos 360, sum er eitt av nýggjaru heitunum fyri NTM, New Tribes Mission.

Tann 11. apríl komu tey til Føroya á vitjan. Vegna skúlagongd steðgaðu Wina og sonurin, Noah Elias, bert 14 dagar, meðan Benjamin enn er her í Føroyum. Hann fer avstað aftur hósdagin 5. mai.

– Okkum dámar so sera væl her í Føroyum, sigur Benjamin, sum gleðir seg at heilsa uppá so mong sum gjørligt nú mikukvøldið í Betesda, har ein drekkamunnur verður eftir møtið.

Benjamin og Wina Hansen luttaka á møtinum mikukvøldið

Á uppbyggingarmøtinum mikukvøldið kl. 20 fara Benjamin og Wina Hansen at greiða frá arbeiði teirra sum fulltíðar trúboðarar í Týsklandi, og har vit eisini fáa ein boðskap úr Orði Guds.

Benjamin er sonur Petur Hansen, sum er úr Klaksvík, her hann øll síni ungdómsár var virkin partur av samkomuni í Betesda. Petur fór út sum fulltíðar trúboðari í trúboðanarfelagsskapinum New Tribes Mission (NTM), har hann og konan, Rachel, framvegis virka. Í nógv ár virkaðu tey í Papua Ný Guinea, har sonur teirra, Benjamin, sum nú vitjar aftur til Klaksvíkar, vaks upp.

Benjamin og Wina, sum eiga sonin Noah Elias, ið er 10 ár, virka sum fulltíðar trúboðarar í Týsklandi fyri trúboðanarfelagsskapin Ethnos 360, sum er eitt av nýggjaru heitunum fyri NTM, New Tribes Mission.

Tann 11. apríl komu tey til Føroya á vitjan. Vegna skúlagongd steðga Wina og sonurin, Noah Elias, bert 14 dagar, meðan Benjamin verður eitt sindur longri her í Føroyum. Hann fer avstað aftur 5. mai.

Tey gleða seg til at vitja hendan vegin.

– Seinast, vit vóru í Føroyum, var í 2017, so tað er longu langt síðani.

– Vit løgdu ætlanir um at koma til Føroya í 2020, men hetta var avlýst vegna korona, men nú eru vit so fegin um, at vit sum familja kunnu vitja í Føroyum, siga tey bæði.

Wina og Benjamin verða við á uppbyggingarmøtinum í Betesda mikukvøldið 20. apríl, har tey fara at greiða frá arbeiði teirra, og har vit eisini fáa ein boðskap úr orði Guds.