Mannfólkadagur í Nerija á Skála leygarmorgunin 31. mai kl. 10-13.

Skráin bjóðar upp á bíbliutímar, vitnisburð og eina sangløtu, áðrenn menn fáa ein góðan bita av breyði við føroyskum viðskera.

Endamálið er at geva monnum høvi at savnast og verða uppbygdir á felags grundvølli okkara, Skriftunum, har bíbilsk evni verða gjøgnumgingin, samstundis sum menn fáa høvi at njóta samfelagið við hvønn annan.

Hesaferð er evnið: ”Missión”. Martin Tuohy, sum saman við familju síni virkar í Meksiko, kemur at luttaka. Eisini kemur Áron á Roykheyggi, sum saman við familjuni flytir til Grønlands í summar, at luttaka.

Teir, sum ynskja at luttaka, kunnu melda seg til við at ringja ella senda sms-boð til Petur á Roykheyggi á fartlf. 274001 ella til Jens Bech á fartlf. 287840.

Tiltakið er ókeypis, men krevur tilmelding fyri at vita á leið, hvussu nógvir verða.

Hjartaliga vælkomnir!

Á evangeliska møtinum í kvøld kl. 18.00 vitja Brynleif Askildsen og aðrir. Eisini kemur Berøakórið at vitja og fer at syngja fyri okkum.

Fríggjakvøldið 2. mai kl. 20 verður kvinnumøti.

Vit syngja, hoyra talu frá Maria Jákupsdóttir Petersen og njóta góða samveru, bæði í gaman og álvara.

Vit gleða okkum at síggja kvinnur í øllum aldri til hesa hugnaløtu.

Á møtinum sunnukvøldið kl. 18 luttaka Rachel og Petur Hansen, og sangkórið syngur. Eftir møtið verður høvi at heilsa upp á tey bæði, áðrenn tey mánadagin fara av landinum aftur.

Petur Hansen, sum er vaksin upp í Klaksvík, fór í 1980 á bíbliuskúla hjá NTM í Onglandi. Í 1985 fór hann saman við konu síni, Rachel úr Kansas í USA, út í fulltíðartænastu sum trúboðari hjá NTM. Frá 1985 til 2011 virkaðu tey í Papua Ný Guinea. Í dag eru tey partur av altjóða leiðsluni hjá NTM. Tey búgva í Nebraska, USA.

Rachel og Petur Hansen hava verið heima á vitjan síðan 4. apríl, her tey hava vitjað samkomur kring landið, og mánadagin 28. apríl liggur leiðin aftur av landinum.

Hjartaliga vælkomin í Betesda sunnukvøldið 🙂