Mikukvøldið kl. 20 er uppbyggingarmøti. Í samband við at komandi vikan er bíbliulestrarvika, fara vit á møtinum mikukvøldið at hoyra Jákup Hansen tala út frá kapittul 5:5-21 í Fyrsta brævi Jóhannesar.
Eftir møtið verður ein drekkamunnur.
Møtið verður stroymt á heimasíðuni hjá Betesda.
Øll eru hjartaliga vælkomin.
Leygardagin 14. desember kl. 16 giftast Silja Heðinsdóttir Poulsen og Martin Olsen
Sunnudagin 15. desember kl. 18 verður jólasangløta við Betesdakórinum í Betesda. Á skránni verður kórsangur, felagssangur og vit hoyra gleðiboðskapin um at „Tykkum er í dag Frelsari føddur“.
Hjartaliga vælkomin
Týsdagin frá kl. 17:15 til 19:00 er frítíðararbeiði. Fyri børn í 3. skúlaflokki og eldri. Hetta verður seinasta ferðin áðrenn jól. Frítíðararbeiðið byrjar aftur 14. januar.
Á møtinum í Betesda sunnukvøldið 8. desember kl. 18 fara Else og Poul Jóhan Djurhuus at luttaka við talu og vitnisburði, og Sangkórið í Betesda fer at luttaka við sínum vakra sangi.
Else og Poul Jóhan Djurhuus fóru í fulltíðar tænastu fyri HARRAN saman fyri 34 árum síðan, tá ið tey fóru niður í Kristnastovu, har tey vóru í umleið 5 ár.
Síðan hava tey verið í fulltíðartænastu í Føroyum við ástøði í samkomuni í Berøa í Saltangará, har tey búgva.
Umframt nógv skrivligt arbeiði hevur arbeiði teirra verið nógv eyðkent av at ferðast í Føroyum og eisini uttanlands, m.a. í Danmark, har tey høvdu eina fasta tænastu á Malta í 9 ár.
Hjartaliga vælkomin á møti í Betsda sunnukvøldið kl. 18
Her er ein samandráttur av tiltøkum í Betesda um vikuskiftið:
Eldrahugni fríggjadagin kl. 15:00.
Eitt stutt filmsklipp verður víst av samrøðu við Amaliu í Búnanum, sum í dag býr á Vistarheiminum. Ungdómar í samkomuni syngja nakrar sangir, og nakrir felagssangir við jóladámi verða sungnir. Ein kaffimuður við góðum afturvið verður eisini at fáa.
Hjartaliga vælkomin.
Jarðarferð leygardagin kl. 13:00.
Tað hevur líkað HARRANUM at taka systir okkara, Noomi Dam, heim til Sín. Kistan kemur í Betesda fríggjakvøldið kl. 19:00 í stillum. Jarðarferðin verður úr Betesda leygardagin 30. november kl 13:00.
Minnismáltíð HARRANS verður sunnumorgunin kl. 11:00.
Jarðarferð sunnudagin kl. 13:00.
Somuleiðis hevur tað líkað HARRANUM at taka bróðir okkara, Helga Laksafoss, heim til Sín. Kistan kemur í Betesda leygarkvøldið kl. 19. Jarðarferðin verður sunnudagin 1. desember kl. 13.
Sostatt verður eingin sunnudagsskúli sunnudagin.
Familjumøti sunnukvøldið kl. 18:00.
Á familjumøtinum fara vit at syngja saman við børnunum, sum eisini fáa eina góða søgu frá Beintu Vang. Sangkórið í Betesda luttekur við sínum vakra sangi, og tey, ið syngja og spæla fyri í sunnudagsskúlanum, leiða felagssangin. Jákup Eli Østerø hevur eitt orð.
Hjartaliga vælkomin.
Í samband við at tað í komandi viku er Bíbliulestrarvika á skránni, fara vit á møtinum mikukvøldið 27. novembur kl. 20, at hoyra Tim Sharp tala útfrá kapittul 4,13-5,4 í Fyrsta brævið Jóhannesar.
Eftir møti verður ein drekkamunnur.
Møti verður stroymt á heimasíðuni hjá Betesda.
Øll eru hjartaliga vælkomin.
Á møtinum í Betesda mikukvøldið 13. november kl. 20, fara Tim og Monika Kunoy Sharp at greiða frá tænastu teirra á Filipsoyggjum, har tey hava virkað fyri HARRAN í mong ár.
Tim hevur júst verið á Filipsoyggjum frá august til oktobur, har hann ferðaðist ymsar ættarbólkar at uppbyggja samkomurnar í økjunum.
Eisini vitjaði hann samkomuna í Naplud, har Monika og Tim hava búð í nógv ár.
Tim dugir tað lokala málið, og á hesum túrinum fekk hann eisini høvi til at vitja eitt nýtt øki, har hann boðaði teimum evangeliið.
Á møtinum fara Tim og Monika at greiða frá tænastu teirra, og Tim fer eisini at siga frá túrinum, hann júst hevur verið á Filipsoyggjum.
Eftir møtið verður drekkamunnur.
Stutt um tey bæði:
Tað var í 2005, at Monika og Tim Sharp út í fulltíðartænastu sum trúboðarar á Filipsoyggjum.
Tim Sharp, sum er føddur í USA, flutti sum 6 ára gamal saman við foreldrunum til Indonesia, har tey virkaðu sum trúboðarar í 26 ár. Sum 18 ára gamal flutti Tim aftur til USA, har hann m.a. gekk 4 ár á bíbliuskúla.
Monika Kunoy Sharp, sum er fødd og uppvaksin í Klaksvík, fór í 2001 í stutttíðartænastu fyri HARRAN á Filipsoyggjum.
Árið eftir giftust Monika og Tim her heima í Føroyum, og síðan fóru tey saman á bíbliu- og venjingarskúla hjá NTM í North Cotes í Onglandi, og í 2005 fóru tey út í fulltíðartænastu sum trúboðarar á Filipsoyggjum.
Carol og Poul Joensen vitja hesa vikuna í Føroyum, her tey eitt nú koma at taka lut á møtinum í Betesda mikukvøldið kl. 20.
Poul og Carol hava ótroyttiliga arbeitt ímillum Sorimi fólki í Papua Ný Guinea síðani 1997.
Sorimi samkoman bleiv stovna fyri fleiri árum síðani og í august í ár handaðu tey Sorimi fólkunum umsetingina av nýggja testamenti.
Mikukvøldið í Betesda fara vit m.a. hoyra um henda varðan á leiðini fyri Sorimi samkomuna.
Poul og Carol ynskja at halda á vitja og stuðla Sorimi samkomuni framyvir, men búgva nú í Onglandi har tey undirvísa fólki í trúboðaravenjing á North Cotes College.
Vælkomin á møtið mikukvøldið kl. 20, har ein drekkamunnur verður at fáa aftan á møtið.
Frá sunnudegnum 3. november og árið út fara vit at gera eina roynd at hava skipaða barnaansing í sambandi við morgunmøtið frá kl. 11:00 til 12:15.
Tvs. frá 3. november og árið út kunnu foreldur at smábørnum koma á morgunmøti og lata børnini inn í barnaansingina.
Her skal viðmerkjast, at hurðarnar út á balkongina verða ikki opnar – hetta so barnaspælið ikki hoyrist so væl niður í salin.
Leggjast skal afturat, at barnaansingin gevur ikki børnunum at eta.
Í hesi royndartíðini verður eingin skipað barnaansing í sambandi við evangeliska møtið sunnukvøld, men foreldur eru vælkomin at brúka barnaansingina eisini tá undir egnari ábyrgd. Tá er sjálvandi opið út á balkongina. Her verður mint á at rudda upp eftir sær.
Hendan royndin verður gjørd í eitt avmarkað tíðarskeið, frá sunnudegnum 3. november, og árið út. Eftir tað verður eftirmett, og so verður avgerð tikin um víðari skipanina.
Samkoman Betesda
Biskupsstøðgøta
700 Klaksvík
Konta í Norðoya Sparikassa:
9865 – 495.006.7
