Komandi leygardag – hin 13. apríl 2024 – verður tann árliga høvuðsreingeringin av Betesda.

Morgunmatur verður at fáa frá klokkan 9 og vit byrja síðani at vaska umleið klokkan 9:30. Um middagsleitið verður tað frokostur at fáa, síðani halda vit fram við reingerðini til nakað út á seinnapartin. Tað er ikki neyðugt at tekna seg til at luttaka.

Við vón um góða uppmøting.

Á uppbyggingarmøtinum í Betesda í kvøld, mikukvøldið 3. apríl kl. 20, verður høvi at hoyra ein boðskap um, hvat Bíblian lærir um „minnismáltíð Harrans“.

John í Skemmuni verður við á uppbyggingarmøtinum í kvøld, har hann við støði í 1. Kor. 11,20-34 fer at tala um grundreglurnar kring „minnismáltíð Harrans“, hvat Bíblian lærir um hetta evnið, hvør kann taka lut og um, hvat álvarsemi Bíblian leggur í hesi viðurskifti.

Møtið byrjar kl. 20:00 – hjartaliga vælkomin.

Á møtinum í Betesda 2. páskakvøld kl. 18 verður høvi at hoyra Filip Sivertsen, sum saman við konuni, Ane, virkar í Nuuk í Grønlandi. Á hesum møtinum verður eisini høvi hjá øðrum at luttaka við talu og vitnisburði. 

Seinasta møtið í Betesda hesa páskahøgtíðina verður 2. páskakvøld kl. 18:00, og hesaferð verða hjúnini Ane og Filip Sivertsen við, sum dagliga búgva og virka í Nuuk í Grønlandi

Høvi verður eisini hjá øðrum at luttaka við talu og vitnisburði um HARRAN.

Hjartaliga vælkomin í Betesda, Klaksvík, 2. páskakvøld kl. 18.

—

Filip Sivertsen er sonur Jonnu og Hans Sivertsen, sum í mong ár vóru trúboðarar í Grønlandi, bæði í Nuuk og við barnalegunum við Ameralikfjørðin. Filip hevur sostatt føroysk foreldur, men er vaksin upp í Grønlandi, har hann framvegis í dag býr saman við konuni, Ane, sum er úr Danmark.

Ane og Filip møttust í Danmark, tá Filip las til maskinmeistara og Ane las til innandura arkitekt. Eftir loknar lestrar arbeiddu tey í Danmark í eina tíð og fluttu síðani til Grønlands saman. Tey eiga børnini Kristian og Cecilia.

Í 2015 gjørdu tey av at fara á bíbliuskúla á North Cotes College í Onglandi, har tey vóru í tvey ár til tess at útbúgva seg betur til at fara aftur til Grønlands og halda fram at virka fyri HARRAN har.

Í dag búgva tey í Nuuk í Grønlandi, har tey eru virkin í samkomuni, sum eitur Naalakkap Jiisusip Oqaluffia (NJO), og í barnalegunum við Ameralikfjørðin.

Filip er ein elsti í samkomuni í Nuuk og er partur av leiðsluni fyri legurnar. Hann hevur vanligt arbeiði við síðuna av tænastuni, meðan Ane arbeiðir fulla tíð við andaligum arbeiði í samkomuni.

Tær tríggjar samkomurnar Hebron í Leirvík, Filadelfia í Gøtu og Siloa í Fuglafirði bjóða til páskastevnu undir heitinum „Gud enn á trónuni er“, hesaferð í Hebron í Leirvík og í Ítróttarhøllini á Kambsdali.

Møtini skírisdag og langa fríggjadag verða í Hebron í Leirvík. Leygardag verða eisini áhugatímar í Hebron. Leygarkvøld verður farið út á Kambdal.

Skráin:

Skírisdagur 28. mars​​
Møti í Hebron kl. 18. Regin Hammer og Beinta Vang tala, Jákup á Lakjuni syngur.

Langi fríggjadagur 29. mars ​
Møti í Hebron kl. 18. Sámal Mikkelsen talar, Siloakórið syngur.
Ungdómsmøti í Hebron kl. 21. Arni Zachariassen talar og Símun Pætur á Torkilsheyggi syngur.

Leygardagur 30. mars ​​
Kl. 15-17 eru áhugatímar í Hebron í Leirvík:
• Karl Gregersen – “Ovis aries et Biblia”. Bíblian úr sjónarhorninum hjá einknæbónda – myndamál og íblástur frá seyði og seyðahaldi.
• Tórheðin Jensen – Orðtøk Sálomons. Navigera á lívsins vegi. Lærdómur úr Orðtøkum Sálomons.
• Niels Pauli Nónstein – Passa søgurnar um Jesus?
• Elin Neshamar – Hvussu megni eg broytingar úr eini mentan í aðra?

Møti er kl. 20 í Ítróttarhøllini. Mai Laksafoss og Johann Petersen tala, kórið úr Berøa syngur.
Ungdómsmøti er kl. 22 í Ítróttarhøllini. Oddur á Lakjuni talar og Maria á Lakjuni Djurhuus syngur.

Páskadagur 31. mars ​
Familjumøti kl. 12 í Ítróttarhøllini. Søga fyri børnunum og John Færø talar.
kl. 13.15 máltíð
Møti við breyðbróting kl. 14 í Ítróttarhøllini, Ingvard Petersen talar.
Sunnudagsskúli kl. 14 á Miðnámsskúlanum.

Sangløta kl. 19 í Ítróttarhøllini við Símun og Randi Hansen.

Verið hjartaliga vælkomin!