Jarðarferð Kristi himmalsferðardag kl. 13 – verður stroymd

Salomon Dam úr Kunoy fer til gravar úr Betesda hósdagin, Kristi himmalsferðardag, kl. 13.

Jarðarferðin verður stroymd.

Fríur vitnisburður í Betesda Kristi himmalferðardag kl. 18

Á møtinum hósdagin, Kristi himmalferðardag kl. 18 verður høvi at hoyra onnur vitna og at luta tín vitnisburð um, hvat HARRIN hevur gjørt fyri teg.

Jógvan Mortensen fer saman við øðrum at framføra sangir um HARRAN.

”Dúva mín í fjallagjáunum, í lívd bergsins! Lat meg síggja andlit títt, lat meg hoyra mál títt! Tí mál títt er søtt, og andlit títt er yndisligt”. (Hásong. 2,14)

“Sig frá stórverkunum, ið Gud hevur gjørt fyri teg!” (Luk. 8,39)

Hjartaliga vælkomin 🙂

Betesda sunnukvøldið – Jákup Eli Østerø talar og kórið syngur

Sunnukvøldið 14. mai kl. 18 verður evangeliskt møti, har Jákup Eli Østerø fer at hava ein boðskap, og Sangkórið í Betesda luttekur við sínum vakra sangi.

Nú nærkast summarið av álvara, so møguliga verður hetta seinasta vanliga sunnukvøldsmøtið hesa vetrarhálvuna, at sangkórið luttekur, áðrenn tað fer í summarferiu.

Hjartaliga vælkomin 🙂

Dorit og Simon Marshall luttaka á møtinum mikukvøldið

Dorit og Simon Marshall virka sum fulltíðar trúboðarar í og út frá Onglandi innan trúboðanarfelagsskapin ECM, European Christian Mission.

Tey koma bæði at greiða frá virkseminum og so hevur hann ein boðskap.

Dorit er úr Vatnsoyrum, meðan Simon er breti, men hann tosar á føroyskum.

Ein drekkamunnur verður aftan á møtið, har høvi verður at heilsa upp á tey bæði.

Hjartaliga vælkomin 🙂

Arne Simonsen og Jákup N. Olsen tala í Betesda sunnukvøldið – sangkórið luttekur

Á møtinum sunnukvøldið kl. 18 fara vit at hoyra boðskapir frá Arna Simonsen úr Hvannasundi og Jákupi N. Olsen úr Havn.

Sangkórið í Betesda luttekur við sínum vakra sangi.

Hjartaliga vælkomin 🙂

Vøra til Zarepta

Sunnudagin 7. mai byrja familjulegurnar í Zarepta 😀

Vit í Betesda lata vøru til familjulegu 3. Tey sum hava hug at lata vøru, kunnu seta hana inn í Betesda leygardagin 13. mai, áðrenn kl. 14.

Kom í Betesda og hoyr 23 ungdómar greiða frá um trúboðanarmøguleikar

Mikukvøldið 3. mai 2023 kl. 20 ert tú hjartaliga vælkomin í Betesda at hoyra og síggja áhugaverda kunning um trúboðanarmøguleikar, sum 23 ungfólk fara at greiða frá.

Frá 24. til 26. mars í ár var ein bólkur av 23 ungfólkum og 2 ferðaleiðarum í North Cotes í Onglandi, har tey luttóku á eini trúboðanarlegu.

Legan, sum hevði heitið REACH, varð á bíbliuskúlanum hjá altjóða trúboðanarfelagsskapinum NTM (New Tribes Mission).

REACH hevur til endamál at eggja ungum at vera við til at náa tey, sum ongantíð hava hoyrt gleðiboðskapin.

Mikukvøldið fara tey ungu at greiða frá leguni, siga eitt sindur um skúlan og annars, hvat tey hoyrdu og upplivdu á leguni.

Hjartaliga vælkomin í Betesda mikukvøldið kl. 20, har løtan endar við einum góðum drekkamunni, og høvi verður at heilsa upp á ungfólkini og seta spurningar.

Betesda sunnukvøldið: Sámal Mikkelsen talar og ungdómar leiða – dópur verður

Á møtinum í Betesda sunnukvøldið 30. apríl kl. 18:00 fer Sámal Mikkelsen at hava ein boðskap út frá 1. Korintbrævi 6:12-20.

Gjøgnumgongdin av hesum broti úr Bíbliuni er partur av skipaðu frálæruni í samkomuni, og hevði tað glett okkum at sæð so mong sum gjørligt á hesum møti, har ungdómar fara at leiða felagssangin.

Sámal Rasmussen hevur ein vitnisburð, og eisini verður ein boðskapur til børnini meðan talan er. Nanna Norðoy sigur eina søgu fyri teimum yngru børnunum, og Beinta Vang fyri teimum eldru.

Eftir møtið verður nátturði.

Møtið verður stroymt á heimasíðuni hjá Betesda.

Øll eru hjartaliga vælkomin – vit síggjast 🙂

Eldrahugni í Betesda 28. apríl

Fríggjadagin 28. apríl kl. 15.00 verður eldrahugni í Betesda, har Jógvan á Lakjuni úr Fuglafirði fer at greiða frá um sang- og sálmaskrivingina hjá abba sínum, Victor Danielsen.

Eisini fer Bárður á Lakjuni at syngja.

Øll eru hjartaliga vælkomin

International Event in Betesda

This coming Saturday the 29th of April, there will be an international event in Betesda Klaksvík. The event will be from 17.00 to 19.00.

Olga Loburak and Angelina Johannesen will give a presentation about their home country of Ukraine, we will also have a quiz. Come and try food from various countries, there will be games and toys available for the kids, and an opportunity to meet and chat with people from other countries.

Everyone one is welcome, we look forward to seeing you in Betesda this Saturday.