Hesa komandi vikuna fara vit aftur á ferð í Orðinum, har vit sum samkoma savna okkum um eitt brot úr Bíbliuni, sum vit hoyra boðskapir útfrá og kunnu hugsa og samtala um okkara millum.

Bíbliuteksturin, vit gjøgumganga hesa vikuna, er 1. Korintbræv, kapittul 5 og 6 sum vit heita á systkinini um at lesa.

Á møtinum mikukvøldið 26 apríl kl. 20 tala Davur Johannesen og Jóhan við Neyst útfrá kapittul 5 og 6:1-11. John Færø o.o leiða felagssangin. Eftir møtið verður ein drekkamunnur.

Á møtinum sunnukvøldið 30 apríl kl. 18.00 talar Sámal Mikkelsen útfrá restina av kap. 6. Ung úr Betesda leiða felagssangin, Sámal Rasmussen hevur ein vitnisburð, eisini verður ein boðskapur til børnini meðan talan er. Eftir møtið verður nátturði.

Møtið verður stroymt á heimasíðuni hjá Betesda. Hjartaliga vælkomin – vit síggjast

Poul Jóhan Djurhuus, Páll á Lakjuni, Jógvan Páll Sevdal og Svenning av Lofti vitja í Betesda hesa vikuna, og seinasta møtið við teimum á hesum sinni er sunnukvøldið kl. 18, har sangkórið í Betesda eisini fer at luttaka.

Sunnudagin er morgunmøti kl. 11, og fer Páll á Lakjuni at hava eitt orð til okkum eftir breyðbrótingina.

Svenning, Páll, Poul Jóhan og Jógvan Páll hava heilt frá ungum verið og eru virknir innan evangelisering, bæði sum einstaklingar og í felag sum samverkamenn.

Møtirøðirnar og evangeliseringsátøkini eru ikki so fá upp gjøgnum árini. Eitt av minniligu átøkunum var møtirøðin við heimsevangelistunum Luis Palau, sum vitjaði her á klettunum í 1988.

Beint eftir hesa vitjan í Betesda fara teir – undir heitinum Atlantic Mission – við Juvel II til Hetlands frá 25. apríl til 9. mai 2023 at bera evangeliið um Jesus Kristus til børn, ung og vaksin.

Hjartaliga vælkomin á møti í Betesda 🙂

ÆTLANIN ER AT HAVA ÁRLIGU HØVUÐSREINGERÐINGINA AV BETESDA LEYGARDAGIN 22. APRÍL 2023.

Vit byrja at vaska umleið klokkan 09:00 og vænta at gevast tíðliga seinnapartin.

Frá klokkan 8:30 verður møguligt at fáa morgunmat, og á middegi fáa vit frokost.

Tað er ikki neyðugt at tekna seg.

Við vón um góða uppmøting.

Samkoman

Hesa komandi vikuna og vikuskiftið fær samkoman í Betesda vitjan av Svenning av Lofti, Poul Jóhan Djurhuus, Páll á Lakjuni og Jógvan Páll Sevdal, sum fara at luttaka á møtunum frá mikukvøld til sunnukvøld.

Teir verða við og hava ein boðskap:

• á uppbyggingarmøtinum mikukvøldið 19. apríl kl. 20
• á ungdómsmøtinum hóskvøldið 20. apríl kl. 20
• á morgunmøtinum (eftir breyðbrótingina) sunnumorgunin 23. apríl kl. 11
• á evangeliska møtinum sunnukvøldið 23. apríl kl. 18

Hesir brøður okkara hava í mong ár verið virknir í verki HARRANS – bæði við sjálvir at bera gleðiboðskapin og við at skipa fyri størri evangeliseringsátøkum.

Beint eftir hesa vitjan í Betesda fara teir við Juvel II til Hetlands frá 25. apríl til 9. mai 2023 at bera evangeliið um Jesus Kristus til børn, ung og vaksin.

Upp gjøgnum árini hava teir eisini verið trúfastir at vitja okkum í samkomuni í Betesda, og hesa vikuna og komandi vikuskifti hava vit boðið teimum at vitja – og vit gleða okkum.

Hjartaliga vælkomin á møti í Betesda 😊

Vit enda møtirøðina á páskum við einum vitnisburðarmøti í kvøld, 2. páskakvøld kl. 18, har tey ungu leiða sangin, og har høvi verður at hoyra vitnisburðir og eisini at bera fram, hvat HARRIN er fyri teg – hjartaliga vælkomin 🙂

Karsten Hansen leggur fyri í kvøld, eftirsum tað í dag er júst 60 ár síðan, at hann kom til persónliga trúgv á HARRAN Jesus – og síðan er orðið frítt.

Kom og hoyr, hvat HARRIN er og ger – hjartaliga vælkomin 🙂